قصة العشية

احنا في قداس عيد القيامة بنقرا ظهور ربنا لمريم المجدلية (أول ظهور بعد القيامة) ... و بنقف في القراية عند الجزء اللي مريم راحت و بشّرت التلاميذ
لكن التلاميذ كانوا لسة مش مصدقين 100% ... كانوا مجتمعين في علية مارمرقس و قافلين كل الأبواب جامد عليهم بسبب الخوف من اليهود
فربنا حبّ يفرّحهم و يطمّنهم ... في عشية اليوم ده ظهر لهم

ولما كانت عشية ذلك اليوم، وهو أول الأسبوع، وكانت الأبواب مغلقة حيث كان التلاميذ مجتمعين لسبب الخوف من اليهود، جاء يسوع ووقف في الوسط، وقال لهم: «سلام لكم!» (يوحنا 20 : 19)

طقس العشية

• العشية فرايحي طبعاً لأنها في الخماسين
• بيبقى فيها كمان دورة جميلة جداً زي اللي بعد كده بتحصل في كل قداسات الخماسين
• لكن المميز كمان في الدورة دي إن الكنيسة كلها بتشارك فيها، رجالة و ستات (دي المرة الوحيدة اللي الستات بتمشي عادي في الزفة)

ألحان الخماسين

الدورة أو الزفة بيتقال فيها كل ألحان الخماسين الجميلة ... تقدروا تلاقوها هنا