تعالوا نعرف سيرة القديس العظيم ده

من برنامج النهاردة (على قناة ME Sat) لأبونا انجيلوس جرجس

أهم النقاط في سيرة الانبا أمونيوس المتوحد:

• علامة من علامات البرية
• اتولد سنة 294م من عيلة مسيحية تقية في مريوط
• أحب الرهبنة من صغره
• عمّه كان زي كبير العيلة و المسئول عنه بعد وفاة والديه و كان شخصيته قوية ... فخطب له واحدة
• لم يخالف عمه إكراماً ليه ... لكن أثناء فترة الخطوبة كان بيكلّم خطيبته عن جمال الرهبنة و حياة التكريس

و هي فعلاً اقتنعت ... و اتجوّزوا لكن عاشوا بتوليين زي الإخوات

• فضل الحال على كده لمدّة 17 سنة ... بعد كده تنيّحت الزوجة


• بعد كده شاف في حلم الأنبا أنطونيوس بيدعوه للرهبنة
• راح فعلاً إسقيط أبو مقار، و تتلمذ على يد الأنبا إيسيذوروس ... بعدها بفترة راح دير الأنبا أنطونيوس و تتلمذ على يديه

ذاع صيته و أخبار نسكياته العالية في البرية كلها

• طبعاً كالعادة بيحاول الشيطان يوقّع الرهبان المتمسكين بربنا ... تعالوا نشوف حصل إيه


• في يوم لقى الأنبا أمونيوس واحدة ست بتخبّط عليه و تقول له: أنا راهبة و متبتّلة في البرية ... سمعت عنك و عايزة منك إرشاد
• قال لها: طيب ... تعالي نقف نصلّي

أول ما بدأ يصلّي اتحرق الشيطان و تحوّل لكتلة دخان

• لكن الشيطان برضه كالعادة مش بيستسلم ... تعالوا نشوف حاول تاني إزاي


• أوعز لإمرأة خاطئة إنها تحاول توقّعه في الخطية و تحدّاها إنها توقّعه
• و فعلاً لبست و تزيّنت و راحت تخبّط على باب قلّايته بالليل ... قالت له يفتح لها عشان متأكلهاش السباع و وحوش البرية في الليل ده
• فتح الباب و شافها و فهم إن دي خدعة من الشيطان
• دخّلها ... و فتح كتابه المقدس و بدأ يقول آيات عن الدينونة و خلاص الله للتائبين

ربنا حرّك قلب الست ... بدأت تبكي واعترفت بسبب زيارتها و قالت له إنها عايزة تتوب

• قال لها: "تعالي نصلّي" ... و بعد ما صلّوا قالت له إنها مش عايزة ترجع العالم و عايزة تفضل هنا
• قال لها لازم تقصّي شعرك و فهّمها نسكيّات الرهبان من صوم و صلاة و نسك و هي وافقت

فضلت 18 سنة معاه في القلاية في حياة فضيلة و نسك باسم (الراهب الساذج) ... بمعنى ساذج عن الشر

• الشيطان برضه ماسكتش


• عمل نفسه راهب و لفّ على الرهبان في الدير و قال لهم إنه شاف واحدة ست عند الأنبا أمونيوس
• الرهبان تأثّروا جداً نظراً لخطورة الموضوع
• الموضوع وصل لواحد من كواكب البرية ... الأنبا أبوللو (المتشبّه بالملائكة) ... خد معاه 2 رهبان و راحوا للأنبا أمونيوس
• فتحت لهم فعلاً الست ... لكنهم كقديسين لم يدينوه ... سألوا عن الأنبا أمونيوس و فضلوا يتكلّموا في أمور روحية معاه
• طبعاً الأنبا أمونيوس كان فاهم سؤالهم من غير ما يقولوه :) ... بعد ما صلّوا و قرأوا في الكتاب المقدّس، قال لهم تعالوا نشوف (الساذج) بتعمل لنا خبز

وجدوها تصلّي على جمر نار ... من غير ما يحرقها ... و كلّها منوّرة نور طالع للسما

• مجّدوا ربنا ... بعد كده بالليل انفردوا كل واحد منهم عشان ينام

بالليل ظهر ملاك للأنبا أبوللو و عرّفه بقصة الأنبا أمونيوس و (الساذج) ... و قال له إنهم هياخدوا بركتها قبل ما تتنيّح بكرة

• فعلاً تاني يوم تنيّحت القديسة دي و هي بتصلّي


• حكى لهم الأنبا أمونيوس عن بعض فضائلها ... و إنها لمدة 18 سنة لم ترفع عينيها فيه
• بعد كده راح أسّس رهبنة في وادي النطرون، و تنيّح و هو عنده 63 سنة، سنة 357م