صوم العدرا

شهر أغسطس يتميّز جداً بصوم كلنا بنحبّه و نحرص على إننا نصومه: صوم أمنا العدرا ... تعالوا نعرف أكتر عن الصوم ده


قصة الصوم

الصوم ده صامه الآباء الرسل نفسهم ... و قصّته في سنكسار 22 أغسطس
وقت نياحة أمنا العدرا، كان توما الرسول مش موجود مع التلاميذ و العدرا ... لكنه شاف الملايكة صاعدة بجسد العدرا للسما
لمّا رجع للتلاميذ بلّغوه إن العدرا تنيّحت ... توما في الأول قال لهم: انتم عارفين إن أنا شكّاك ... لن أؤمن إلا لو شُفت
التلاميذ أخدوه على القبر ... فتحوا القبر و ملاقوش جسد العدرا!
ساعتها توما حكى لهم الحكاية كلها

التلاميذ صلّوا عشان ربنا يوّريهم المنظر اللي شافه توما ... صاموا 15 يوم ... و فعلاً بعدها شافوا العدرا في السما عن يمين ربنا يسوع

طقس الصوم

  • مدة الصوم 15 يوم (من 7 ل 22 أغسطس)
  • الطقس سنوي
  • طبعاً أكتر حاجة تميّز الصوم هي نهضة العدرا

ألحان النهضة

تقدروا تلاقوا ألحان العشية و التمجيد هنا


بركة نهضة أمنا العدرا تكون معانا آمين