• سؤال: إزاي أقدر أعبد ربنا؟
• الإجابة: أعبد ربنا بكل حاجة فيّ (بقي اللي بيسبّح ربنا، إيدي اللي بتساعد الناس، رجلي اللي بتروح الكنيسة، قلبي اللي بيحب ربنا و الناس، عقلي اللي بيفكر فيه و إزاي أسمع كلامه، عينيّ اللي يتشوف حاجات كويسة، وداني اللي بتسمع ألحان و كلام حلو ...)
• نشوف إيه في القصة دي؟
  ربنا يسوع قال ل 2 تلاميذ يجيبوا له حمار صغير عشان يدخل بيه أورشليم
  و ده عشان يحقق نبوة النبي زكريا إن الملك هييجي راكب على جحش

  قولوا لابنة صهيون: هوذا ملكك يأتيك وديعا، راكبا على أتان وجحش ابن أتان (متى 21 : 5، زكريا 9 : 9)

  لمّا ربنا يسوع دخل أورشليم، احتفل بيه كل أهل المدينة
  كلهم هتفوا له: أوصنا ... مبارك الآتي باسم الرب ... ده هو ملك إسرائيل (لأن هو الملك المخلّص الآتي باسم الرب فعلاً)
  كلهم فرشوا لبسهم في الطريق مع أغصان النخل و كانوا بيحيّوه
  كلهم تبعوه و مشيوا وراه في اليوم ده في موكب ملوكي
  كلهم ... ما عدا رؤساء الكهنة اللي كانوا غيرانين ... قالوا له سكّت الناس دول ... ربنا قال لهم: ده حتى لو الناس سكتت الحجارة هتتكلم و تسبّحني
  ربنا يسوع هو الله ... هو الملك ... هو المخلّص اللي إحنا كنّا مستنيينه عشان يخلّصنا من خطايانا و يرجّعنا السما تاني
• ال 3 حاجات اللي المفروض نعملها؟
  1 -
  
  

  بقنا نقدر نستخدمه إننا نسبح ربنا بالتراتيل و الألحان و الصلوات ... نشكره على عظمته و على حبه دايماً لينا ... و نحكي للناس قد إيه هو عظيم

  و طبعاً الفم اللي يسبّح ربنا ماينفعش يخرج منه كلمات وحشة
• 2 -
  
  

  إيدينا نقدر نستخدمها إننا نرحب بالناس و نساعدهم ...نشتغل في شغل ربنا (الخدمة)

• 3 -
  
  رجلنا نقدر مستخدمها إننا نروح من مكان لمكان ...

  نقدر بيها نمشي ورا ربنا ... نروح بيته (الكنيسة) أو حتى في الوقت اللي احنا فيه مش في الكنيسة نروح أماكن كويسة نعمل فيها حاجات كويسة و نسبّح ربنا

المشكلة: ساعات بيعدّي علينا وقت بنبقى مش مبسوطين فيه 😟

الحل:

حتى لو انت مش في الكنيسة: سبّح ربنا ... صلي أو قول لحن أو ترنيمة ... هتلاقي نفسك هديت و انبسطّ
لأنك هتفتكر قد إيه ربنا عظيم و طيب و بيحبك 😉

تعالوا نحفظ مع بعض الآية:

اعبدوا الرب بفرح. ادخلوا إلى حضرته بترنم (مزمور 100 : 2)

يعني يعني أستخدم رجلي إنها تروح بيت ربنا (الكنيسة) ... و بقي إنه يسبّح ربنا يفرح

تعالوا نصلّي مع بعض:

يا رب أشكرك إنك حبيتني لدرجة إنك أرسلت ابنك الوحيد (ربنا يسوع) عشان يخلّصني
يا رب ... ساعدني أسبّحك و أصلّي لك في كل الأوقات ... أفتكر قد إيه انت عظيم و قد إيه انت بتحبني

صورة للتلوين: ربنا يسوع و هو داخل أورشليم كملك ... و الناس بتسبّحه و تفرش اللبس و سعف النخل على الطريق

تعالوا نفتكر نسبّح ربنا بفرح على طول