ربنا خلقنا على صورته و مثاله ... بيحبنا و عايزنا نستمتع بالعلاقة معاه و صداقته
بس إحنا غلطنا (لمّا آدم و حواء خالفوا وصية ربنا) ... و الخطية بوّظت كل حاجة
بس من محبة ربنا لينا، بعت لنا ابنه الوحيد ربنا يسوع المسيح ... عشان يفدينا و يحرّرنا من الخطية ... و يصالحنا مع ربنا تاني
و بعد ما ربنا يسوع مات على الصليب عشان يدفع تمن خطايانا ... قام بعد 3 أيام و غلب الموت ... و صعد للسما
لكن ماسبناش لوحدنا ... بعت لنا الروح القدس اللي بناخده جوانا في سر الميرون بعد المعمودية ... الروح القدس هو اللي بيساعدنا نعيش زي ربنا يسوع
و معانا كلمة ربنا (الكتاب المقدس) ... لمّا نقراه نفهم خطة ربنا العظيمة لينا و قد إيه هو بيحبنا
و لمّا نؤمن باللي عمله ربنا يسوع ... و نمشي وراه ... هنرجع تاني أصحاب لربنا
ربنا بيحب كل الناس ... كلهم من غير استثناء ... بما فيهم انت طبعاً ... و انت تقدر تبقى جزء من عيلة ربنا لما تمشي ورا ربنا يسوع و تسمع كلامهلأنه هكذا أحب الله العالم حتى بذل ابنه الوحيد، لكي لا يهلك كل من يؤمن به، بل تكون له الحياة الأبدية (يوحنا 3 : 16)
1 -
المدرسة بنروحها عشان نتعلّم
لمّا أقراه باعرف قد إيه ربنا بيحبني ... و إزاي أعيش زي ربنا يسوعو الكتاب المقدس هو مدرستنا ... اللي بتعلّمنا الحقيقة عن ربنا
المعلقة بنستخدمها عشان نؤكّل نفسنا
خصوصاً لما نبقى جعانين حب أو فرح ... الإنجيل أحلى و أنضف أكلو كلمة ربنا هي أكل روحنا و قلبنا ... لازم نقراها باستمرار زي ما بناكل باستمرار
مفتاح النور احنا بنستخدمه عشان نفتح أو نقفل النور
و الإنجيل هو المفتاح ده لنور قلبنا ... لمّا نقرا الإنجيل قلبنا ينوّر و يفهم ربنا ... و لو مقاريناهوش ... قلبنا هيضلّم
