بولس الرسول كان فاهم ربنا عايز منه إيه ... إنه يكون رسول للأمم
و بولس كان مطيع جداً ... و عمل 3 رحلات تبشيرية طويلة جداً عشان يبشّر الناس بربنا
و بسبب تبشيره، اتغاظ منه اليهود اللي ماقبلوش الإيمان بربنا يسوع
اتقبض عليه بسبب كده ... و كان هيروح روما بسفينة مع المسجونين التانيين
لكن السفينة اتكسرت بيهم في السكة
بس في الآخر عاشوا و وصلوا لروما ... و بولس فضل مسجون هناك
لكن بولس مخلّاش حاجة توقفه عن التبشير
و حتى و هو مسجون، ده موقّفوش عن خدمته ... فضل يبشّر برضه و كتب رسايل عظيمة للكنايس التانية ... مفيش حاجة تقدر توقّف خطة ربنا ولا تمنعنا من تنفيذها :)
وأقام بولس سنتين كاملتين في بيت استأجره لنفسه (في روما). وكان يقبل جميع الذين يدخلون إليه، كارزا بملكوت الله، ومعلما بأمر الرب يسوع المسيح بكل مجاهرة، بلا مانع. (أعمال الرسل 28 : 30 و 31)
ربنا استخدم الوقت اللي كان فيه بولس الرسول في السجن أو مش قادر يروح من مدينة لمدينة في إنه يكتب رسايل للكنايس، بقت من أسفار الكتاب المقدس و بنقرأها في القداس كل يوم ... ربنا يقدر يستخدم الأوقات الصعبة لينا و يطلّع منها حاجات عظيمة
1 -
الخريطة بتعرّفنا إزاي نوصل للمكان اللي احنا عايزينه
و بولس سافر لبلاد كتير جداً عشان يفرّح الناس بربنا
إحنا كمان لازم نفرّح كل الناس اللي في حياتنا بربنا
الملعب بنلعب فيه مع أصحابنا
و نفس الكلام في البيت برضه و المدرسةو و قت اللعب وقت حلو قوي إني أفرّح صحابي بربنا ... بدل ما أتخانق أو أزعل
الإشارة الخضرا معناها إننا نقدر ننطلق في الطريق
و ربنا إدالنا الإشارة الخضرا إننا ننطلق و نفرّح الناس بيه ... زي ما هنشوف في الآية تحت
