سؤال

إيه هي الكنيسة؟

الإجابة

الكنيسة مش مجرّد مبنى ... الكنيسة هي عيلة ربنا ... و أي حد ممكن ينضم لو آمن بربنا يسوع و مشي وراه

نشوف إيه؟

• بطرس و كورنيليوس كانوا مختلفين جداً ... لكن ربنا حب كل واحد فيهم
• و ال 2 كانوا جزء من عيلة ربنا (الكنيسة) لأنهم آمنوا به و مشيوا وراه
• و ربنا عرّف بطرس الرسول بكده في رؤيا ... لمّا قال له: اللي أنا قلت عليه كويس ماتقولش عليه انت إنه وحش
• فبطرس قال لعيلة كورنيليوس إن ربنا بيقبل الناس من أي حتة .... ربنا يسوع هو مخلّص الكل
• ربنا بيرحب بكل الناس ... مش حبة قليلين مميزين ... أي حد يؤمن بربنا يسوع ينضم لعيلة ربنا

• حاجة جميلة إن قدام بيتنا يكون فيه علامة ترحيب بالضيوف ... ده معناه إنك بتحب زيارتهم ليك
• و إحنا كلنا welcome في عيلة ربنا يسوع ... ربنا يسوع لكل الناس

• ال puzzle فيها قطع كتير جداً متشبكة ببعض
• لكن دايماً بيبقى فيه قطع ناقصة
• و كل واحد من اللي بيؤمنوا ربنا (عيلة ربنا) له مكان مميّز ... و بيكمّل العيلة

• صورة الكرة الأرضية دي بتورينا الدنيا كلها
• و عيلة ربنا هو ده حجمها ... الدنيا كلها ... كل اللي يؤمن بربنا يسوع في أي حتة

المشكلة

ساعات لو حسينا إن حد مختلف عننا بناخد جنب و نبعد و مانرحّبش به 😟

الحل

أفتكر إن ربنا بيقبل كل الناس
و إحنا لازم نعرّف كل الناس كده
و نبقى زيه و نرّحب بكل الناس 😉

صورة للتلوين

بطرس و هو بيتكلم في بيت كرنيليوس و بيعرّفه بربنا