سؤال

أقول إيه لمّا أكون خايف؟

الإجابة

Goodbye fear ... God is here
أخاف ليه؟ ربنا معايا

نشوف إيه؟

• دانيال اتقبض عليه من غير ذنب ... بس لأنه كان بيصلي لربنا
• و الملك كان بيحبه ... بس اضطر يحطه في جب الأسود تنفيذاً للقانون
• دانيال كان لازم يعمل حاجة تخوّف جداً ... كان لازم يبات مع الأسود و هي جعانة
• بس دانيال مخلّاش الخوف يغلبه ... صلّى و فضل واثق في ربنا
• و ربنا ساعده يغلب الخوف ... بعت ملاكه فسد أفواه الأسود و بقت كأنها أليفة
• دانيال اتعاقب عشان كسر قانون مكانش صح ... احنا ساعات كتير بنعمل حاجات غلط و بنكسر القوانين الصح بتاعة ربنا ... و زي ما ربنا ساعد دانيال ... بيساعد كل واحد فينا ... و ابنه الوحيد (بابا يسوع) على الصليب أخد العقاب اللي إحنا كنّا نستاهله بسبب الغلطات بتاعتنا

• لو حسّيت إني خايف (مثلاً بالليل من الضلمة) ... على طول أصلّي ... و ربنا هيساعدني أغلب الخوف
• و القلب اللي زي قلب ربنا يعمل حاجات كويسة جدااااااً

• الدرع ده بيحمي المحارب و هو بيحارب من إن حاجة تصيبه
• ده بالظبط زي الصلاة ... الصلاة و الثقة في ربنا هتحمينا و تبعد عننا الخوف

• حزام الأمان في العربية هو اللي بيحافظ عليّ في أمان على الكرسي ... و ربنا هيحافظ عليّ في أمان على طول ... فأنا مش المفروض أخاف من حاجة

المشكلة

ساعات بحتاج أعمل حاجات حتى لو أنا خايف منها ... و بيبقى نفسي ربنا يشيل الحاجة اللي أنا خايف منها عشان مخافش 😟

الحل

ربنا طريقته مختلفة ... مش دايماً بيشيل الحاجة اللي مخوّفاني ... بس أكيد دايماً بيساعدني أغلب الخوف
أنا بس عليّ أصلّي و أثق فيه ... بعد كده الخوف هيروح 😉

صورة للتلوين

دانيال و هو بيصلي في جب الأسود بعد ما ربنا بعت ملاكه و سد أفواه الأسود فبقت أليفة