المشكلة: ساعات بحتاج أعمل حاجات حتى لو أنا خايف منها ... و بيبقى نفسي ربنا يشيل الحاجة اللي أنا خايف منها عشان مخافش 😟

الحل:

ربنا طريقته مختلفة ... مش دايماً بيشيل الحاجة اللي مخوّفاني ... بس أكيد دايماً بيساعدني أغلب الخوف
أنا بس عليّ أصلّي و أثق فيه ... بعد كده الخوف هيروح 😉

تعالوا نحفظ مع بعض الآية:

لأني أنا الرب إلهك الممسك بيمينك، القائل لك: لا تخف. أنا أعينك (إشعياء 41 : 13)

يعني ربنا هيساعدني كل ما أكون خايف
و أنا كل ما أكون خايف، هاصلّي و أثق إن ربنا معايا

تعالوا نصلّي مع بعض:

يا رب ... ساعدنا نصدّق إنك على طول معانا و تاخد بالك مننا و تساعدنا ... فإحنا مانخافش من أي حاجة
زي ما سمعت دانيال، انت بتسمعني في كل وقت أكلمك فيه

صورة للتلوين: دانيال و هو بيصلي في جب الأسود بعد ما ربنا بعت ملاكه و سد أفواه الأسود فبقت أليفة

تعالوا نفتكر إن ربنا دايماً معانا و بيحمينا ... مهما كان الموقف اللي إحنا فيه يخوّف