سؤال

إزاي قلبي يبقى زي قلب ربنا؟

الإجابة

أعرف ربنا كويس فترة طويلة ... فيبقى قلبي و تفكيري زي قلبه و تفكيره
ساعتها بنبقى مبسوطين جدااااااااً .. و بنعمل حاجات حلوة جدااااااااً

نشوف إيه؟

• داود عمل حاجات كويسة تقول إن قلبه زي قلب ربنا ... ساعد إخواته ... و كان عنده إيمان و ثقة في ربنا ... فتحدّى و كسب جليات العملاق اللي الكل كان خايف منه (طبعاً داود اتحدى جليات بس عشان هو كان بيقول كلام وحش و كدب على ربنا و شعبه)
• ده كان رمز لربنا يسوع اللي بعد كدة على الصليب غلب الشيطان و خلّصنا

• الكتاب المقدس هو اللي بيعرّفني ربنا ... لمّا أقراه كويس، قلبي بيكبر و بيبقى زي قلب ربنا
• و القلب اللي زي قلب ربنا يعمل حاجات كويسة جدااااااً

• الألحان و الترانيم برضه من الحاجات اللي بتحرّك قلبنا و بتعرّفنا ربنا
• داود كان دايماً بيصلّي بألحان و مزامير

• الصلاة طبعاً هي الطريقة التالتة ... بنكلّم ربنا و نسمعه بيرد علينا ... فنعرفه أكتر كل يوم

المشكلة

ساعات بندوّر على ربنا و بنبقى عايزين نشوفه .. بس مش بنعرف 😟

الحل

أدوّر صح ... عشان أعرف ربنا لازم أقرى الكتاب المقدس كل يوم
و لو مش عارف أقرا ... أتفرج على كارتون الكتاب المقدس أو أخلي أخويا الكبير أو بابا أو ماما أو الأنكل بتاعي في الكنيسة يقرا لي و يحكيلي 😉

صورة للتلوين

داود و هو بيتحدى جليات