• سؤال: إزاي قلبي يبقى زي قلب ربنا؟
• الإجابة: أعرف ربنا كويس فترة طويلة ... فيبقى قلبي و تفكيري زي قلبه و تفكيره
  ساعتها بنبقى مبسوطين جدااااااااً .. و بنعمل حاجات حلوة جدااااااااً
• نشوف إيه في القصة دي؟
  داود عمل حاجات كويسة تقول إن قلبه زي قلب ربنا ... ساعد إخواته ... و كان عنده إيمان و ثقة في ربنا ... فتحدّى و كسب جليات العملاق اللي الكل كان خايف منه (طبعاً داود اتحدى جليات بس عشان هو كان بيقول كلام وحش و كدب على ربنا و شعبه)
  ده كان رمز لربنا يسوع اللي بعد كدة على الصليب غلب الشيطان و خلّصنا
• ال 3 حاجات اللي المفروض نعملها؟
  1 -
  
  

  الكتاب المقدس هو اللي بيعرّفني ربنا ... لمّا أقراه كويس، قلبي بيكبر و بيبقى زي قلب ربنا

  و القلب اللي زي قلب ربنا يعمل حاجات كويسة جدااااااً
• 2 -
  
  

  الألحان و الترانيم برضه من الحاجات اللي بتحرّك قلبنا و بتعرّفنا ربنا

  داود كان دايماً بيصلّي بألحان و مزامير
• 3 -
  
  

  الصلاة طبعاً هي الطريقة التالتة ... بنكلّم ربنا و نسمعه بيرد علينا ... فنعرفه أكتر كل يوم

المشكلة: ساعات بندوّر على ربنا و بنبقى عايزين نشوفه .. بس مش بنعرف 😟

الحل:

أدوّر صح ... عشان أعرف ربنا لازم أقرى الكتاب المقدس كل يوم
و لو مش عارف أقرا ... أتفرج على كارتون الكتاب المقدس أو أخلي أخويا الكبير أو بابا أو ماما أو الأنكل بتاعي في الكنيسة يقرا لي و يحكيلي 😉

تعالوا نحفظ مع بعض الآية:

كونوا مستعدين لكل عمل صالح (تيطس 3 : 1)

يعني على طول يبقى في طبعنا إننا نعمل حاجات حلوة زي ربنا

تعالوا نصلّي مع بعض:

يا رب ... نشكرك إنك إديت لنا طرق حلوة نعرفك بيها ... خلينا نمشي في الطرق دي .. و نعرفك .. و تبقى قلوبنا زي قلبك

صورة للتلوين: داود و هو بيتحدى جليات

تعالوا نفتكر إن ربنا بيبص على القلب مش الشكل ... و يعجبه القلب اللي شبه قلبه (زي داود)
و القلب اللي زي قلب ربنا يقدر يعمل حاجات عظيمة جدااااااااً