داود كان راعي غنم في إسرائيل ... و ربنا اختاره يكون ملك إسرائيل من و هو ولد صغير
لكن داود اضطر يستنى وقت طويل جداً لغاية ما يتحقق الوعد ده لأن كان فيه ملك في إسرائيل هو شاول
شاول كان طويل و قوي و منظره مُبهر كملك ... لكن خالف وصايا ربنا ... عشان كده ربنا اختار يخلي داود ملك بدل منه
داود أصبح قائد و محارب عظيم ... و كل الناس حبّت داود ... ده خلّى شاول يغير منه و يكرهه ... لأنه كان فاكر إن داود هايحاول يقتله و يبقى ملك بداله
شاول حاول يقتل داود ... و استمر شاول يطارد داود لكن ماقدرش يقبض عليه

و في يوم جه ناس قالوا لشاول إن داود مستخبي في منطقة صحراء اسمها عين جدي
شاول جمع 3000 من أقوى جنوده و راح عشان يقتل داود
أثناء الرحلة دي، دخل شاول لكهف عشان يرتاح ... و كان داود و رجاله مستخبيين في الكهف ده
رجال داود شافوا الفرصة دي (إن شاول نايم و مش واخد باله) و قالوا لداود: دي فرصتك يا داود ... زي ما ربنا قال لك إنه هيدّيلك عدوّك في يدك
داود زحف و قطع جزء من رداء شاول

بعد كده فكّر إن مش صح إنه يؤذي شاول مهما شاول اضطهده أو أذاه

استنى لحد ما شاول صحي و ساب المغارة و بِعِد شوية ... خرج داود و صاح
أيها الملك، ليه بتسمع كلام الناس اللي بتقول إني عايز أؤذيك
شايف: أنا قطعت ردائك لكن لم أقتلك .... ده يثبت لك إني محاولتش أضرّك ولا غلطت فيك ... رغم إنك عمّال تطاردني
داود وعد شاول إنه كمان عمره ما هايضرّه ... و قال له: ربنا هايدافع عني و هايحميني منك
شاول قال: ده انت فعلاً يا داود؟ و بدأ يبكي
و قال له: انت أحسن مني و كنت رحيم عليّ النهاردة ... لمّا ربنا حطّني في موقف كان ممكن تقتلني، انت سامحتني
مين غيرك كان يتصرف كده؟ أنا عرفت دلوقتي إنك هاتبقى الملك و إسرائيل هاتكون أحسن تحت حكمك
إوعدني إن لمّا ده يحصل مش هاتقتل عيلتي
داود وعده إنه مش هايضُر عيلته ... و كل واحد راح في طريقه