سؤال

إزاي أقدر أبقى صاحب ربنا؟

الإجابة

ربنا يسوع هو اللي بيخليني صاحب ربنا ... أنا أؤمن إنه قام من الموت و حي على طول

نشوف إيه؟

• المريمات كانوا رايحين بيفكروا مين اللي هيشيل الحجر عن باب القبر ... بس لقوا الحجر متشال و قدام القبر ملاكين قالوا لهم: المسيح قام
• ربنا يسوع مات يوم الجمعة العظيمة على الصليب ... لكن قام يوح الحد، لأنه حي على طول
• ربنا قام من الموت عشان نقدر إحنا نكون أصحاب لربنا
• يعني لو تبنا و آمنا، خطايانا كلها هتتغفر
• ربنا يسوع دفع دين خطايانا كله بموته على الصليب ... إحنا لو تبنا و آمنا به و مشينا وراه هندخل السما

• ربنا يسوع إدالنا إمكانية نكون أصحاب ربنا لما مات عشاننا على الصليب و شال خطايانا كلها
• ربنا يسوع على الصليب دفع تمن كل خطايانا و أخد العقاب عننا ... و قام و أعطانا الحياة
• ربنا استحمل كل ده عشان بيحبنا جداااااً

• طيب أنا ساعات باعمل حاجات مش حلوة ... هل بافضل صاحب ربنا؟
• طبعاً ربنا بيكره الخطية ... إيه الحل؟؟
• ربنا يسوع إدانا نعمة عظيمة ... مغفرة خطايانا و مسحها خالص، بس إحنا نتوب

• لمّا أعمل حاجة وحشة ... ربنا بيشفيني ... و يخليني كويس تاني
• و أنا هاعمل زيه ... هسامح اللي ضايقني و أساعد اللي محتاج مساعدة

المشكلة

ساعات باكون متضايق ... باحس إن ماحدش حابب يبقى صاحبي و يلعب معايا ... خصوصاً لو عملت حاجة مش كويسة 😟

الحل

حتى لو عملت حاجة حاجة مش كويسة ... ربنا بيحبني و عايزني أكون صاحبه
ربنا بيحبني حتى و أنا ماستهلش ... و يسوع جه و فداني و إداني فرضة أبقى صاحب ربنا
فأنا هاقول له يا رب سامحني ... و أتوب و أفتكر حبه لي 😉

صورة للتلوين

ربنا يسوع لما ظهر بعد قيامته للتلاميذ و أكل معاهم عشان يطمّنهم إنه هو بجد