• سؤال: إزاي أقدر أبقى صاحب ربنا؟
• الإجابة: ربنا يسوع هو اللي بيخليني صاحب ربنا ... أنا أؤمن إنه قام من الموت و حي على طول
• نشوف إيه في القصة دي؟
  المريمات كانوا رايحين بيفكروا مين اللي هيشيل الحجر عن باب القبر ... بس لقوا الحجر متشال و قدام القبر ملاكين قالوا لهم: المسيح قام
  ربنا يسوع مات يوم الجمعة العظيمة على الصليب ... لكن قام يوح الحد، لأنه حي على طول
  ربنا قام من الموت عشان نقدر إحنا نكون أصحاب لربنا
  يعني لو تبنا و آمنا، خطايانا كلها هتتغفر

  قد كمل الزمان واقترب ملكوت الله، فتوبوا وآمنوا بالإنجيل (مرقس 1 : 15)

  ربنا يسوع دفع دين خطايانا كله بموته على الصليب ... إحنا لو تبنا و آمنا به و مشينا وراه هندخل السما
• ال حاجات اللي المفروض نعملها؟
  1 -
  
  ربنا يسوع إدالنا إمكانية نكون أصحاب ربنا لما مات عشاننا على الصليب و شال خطايانا كلها

  ربنا يسوع على الصليب دفع تمن كل خطايانا و أخد العقاب عننا ... و قام و أعطانا الحياة

  ربنا استحمل كل ده عشان بيحبنا جداااااً
• 2 -
  
  طيب أنا ساعات باعمل حاجات مش حلوة ... هل بافضل صاحب ربنا؟
  طبعاً ربنا بيكره الخطية ... إيه الحل؟؟

  ربنا يسوع إدانا نعمة عظيمة ... مغفرة خطابانا و مسحها خالص، بس إحنا نتوب

• 3 -
  

  لمّا أعمل حاجة وحشة ... ربنا بيشفيني ... و يخليني كويس تاني

  و أنا هاعمل زيه ... هسامح اللي ضايقني و أساعد اللي محتاج مساعدة

المشكلة: ساعات باكون متضايق ... باحس إن ماحدش حابب يبقى صاحبي و يلعب معايا ... خصوصاً لو عملت حاجة مش كويسة 😟

الحل:

حتى لو عملت حاجة حاجة مش كويسة ... ربنا بيحبني و عايزني أكون صاحبه
ربنا بيحبني حتى و أنا ماستهلش ... و يسوع جه و فداني و إداني فرضة أبقى صاحب ربنا
فأنا هاقول له يا رب سامحني ... و أتوب و أفتكر حبه لي 😉

تعالوا نحفظ مع بعض الآية:

إن آمنت بقلبك أن الله أقامه (يسوع) من الأموات، خلصت (رومية 10 : 9)

يعني الإيمان بربنا يسوع هو سكة الخلاص ... لأنه هو باب السما

تعالوا نصلّي مع بعض:

يا رب أشكرك على نعمتك العظيمة و صليبك عشان تفديني
خليني دايماً أفتكر إنك حي .. و إنك القائد بتاعي و صاحبي
خليني أقبل فدائك لي ... أحبك و أتبعك و أسمع كلامك

صورة للتلوين: ربنا يسوع لما ظهر بعد قيامته للتلاميذ و أكل معاهم عشان يطمّنهم إنه هو بجد

تعالوا نفتكر إن ربنا يسوع مات و قام من الأموات ... عشان يفدينا و يدّينا الحياة