• سؤال: إزاي أحب زي ربنا؟
• الإجابة: أظهر المحبة لأي حد ... مهما كان
• نشوف إيه في القصة دي؟
  حاجة صعبة جداً ... ربنا يسوع معاملش أي حاجة غلط أبداً ... بس سمح لهم إنهم يصلبوه
  كان يقدر يمنعهم و ينزل عن الصليب بسهولة جداً ... بس هو كان عايز يموت عشاننا
  و ده من محبته العظيمة لينا كلنا ... عشان يتحمل هو عقاب خطايانا كلنا
  لمّا عمل كده و كمّل فدائه .. قال: قد أُكمل

  فلما أخذ يسوع الخل قال: «قد أكمل». ونكس رأسه وأسلم الروح (يوحنا 19 : 30)

  و بعد 3 أيام قام من الموت
  ربنا يسوع كان بلا خطية ... بس اختار الموت عشان يحمل عقاب خطايانا و يفدينا ... ماحدش يقدر يعمل كده غيره
• ال حاجات اللي المفروض نعملها؟
  1 -
  
  الصليب هو الطريقة اللي ربنا بيّن لنا قد إيه هو بيحبنا ... على الصليب هم اتحمل عقاب خطايانا ... و بعد 3 أيام قام من الموت

  لو احنا آمنا بكده و عشناه نبقى متصالحين مع ربنا ... ولاده المليانين حب زيه

• 2 -
  
  زي ما ربنا حبنا بطريقة صح، و إدانا الفداء اللي احنا محتاجينه
  و زي بالظبط ما ماما و بابا بيحبونا ... بطريقة صح (إنهم يدّونا اللي احنا محتاجينه)

  احنا كمان نحب الناس كده ... نشوف هم محتاجين ايه و نساعدهم

  يعني لو حد متضايق أحاول أفرّحه ... لو حد محتاج أكل أدّيله ... لو حد خاف أطمّنه و أصلّي له

المشكلة: ساعات أكون أناني، ماحبش أشارك حد في حاجتي أو أكسل أساعد حد 😟

الحل:

أفتكر معنى حب ربنا لي ... مش حب بتاع كلام و خلاص، حب حقيقي باذل
يعني أدّي أصحابي و أساعدهم زي ما ربنا حبني حتى لو هاضحي بحاجة أنا باحبها 😉

تعالوا نحفظ مع بعض الآية:

كما أحببتكم أنا تحبون أنتم أيضا بعضكم بعضا (يوحنا 13 : 34)

يعني ربنا بذل نفسه عشاننا ... احنا كمان لازم نحب كل الناس بجد مش بالكلام

تعالوا نصلّي مع بعض:

يا رب أشكرك على حبك العظيم لي ... اللي خلّاك تقبل الموت على الصليب عشان تخلّصني من خطيتي
زي ما انت أظهرت لي أعظم محبة ... ساعدني أنا كمان أظهر المحبة دي لكل الناس

صورة للتلوين: ربنا يسوع و هو بيتحكم عليه بالصليب رغم إنه ماعملش أي حاجة غلط

تعالوا نفتكر قد إيه ربنا حبّنا ... و وصّانا نحب كل الناس