المَثَل

• كان فيه تاجر غني ... كان مسافر فوزّع ثروته على عبيده عشان يتاجروا و يشتغلوا بالثروة دي و يزوّدوها لحد ما يرجع من السَفَر (كل واحد على قد ما يقدر)


• 2 من العبيد دول اجتهدوا و اشتغلوا بالثروة اللي سايبهالهم سيّدهم ... و كسبوا فعلاُ، بينما العبد التالت الكسلان مكانش بيحب سيّده ولا مهتم بالموضوع .. دفن الثروة في التراب و ماستفادش بيها ولا فاد سيّده


• بعد وقت طويل رجع السيّد عشان ياخد ثروته


• ال 2 عبيد اللي كانوا أمناء و اشتغلوا كسبوا، انبسط منهم سيّدهم و قال لهم: عشان كنتم أمناء في القليل هادّيكم مكافأة عظيمة جداً


• العبد الكسلان حاول يبرّر موقفه إنه كان خايف من سيّده و خايف الثروة تضيع ... لكن طبعاً ده عُذر خايب جداً و غير مقبول ... و السيّد طرده بسبب عدم أمانته

يا رب تقصد إيه؟

• ربنا سايب لكل واحد فينا ثروة ... مواهب مختلفة و إمكانيات عند كل واحد غير التاني


• اللي هايكون أمين و يزوّد مواهبه دي و يستخدمها عشان يفرّح ربنا و يساعد إخواته، ربنا هايعطيه أعظم هدية: الملكوت


• أمّا اللي هايبيع القضية و يكسّل و مايستغلّش العطايا اللي ربنا مدّيهاله، ربنا هايعاقبه بسبب عدم أمانته ... مش هايكون في السماء لأنه لم يكُن أمين في القليل