• سؤال: إيه المشاكل الصعبة على ربنا؟
• الإجابة: مفيش حاجة صعبة على ربنا
• نشوف إيه في القصة دي؟
  كان فيه مشكلة كبيرة جداً ... 5000 عيلة جعانين، هنجيب لهم أكل منين؟؟
  ربنا كان عايز يعلّم الناس تثق في عناية ربنا ليهم ... فمسمعش كلام التلاميذ .. مقالش للناس تمشي
  مفيش حاجة صعبة على ربنا ... قدر بالغداء بتاع ولد صغير (5 أرغفة و سمكتين) إنه يشبّع الناس دي كلّها (5000 عيلة)

  وكان الذين أكلوا من الأرغفة نحو خمسة آلاف رجل (مرقس 6 : 44)

  ربنا يقدر يعمل أي حاجة
  ربنا أثبت في القصة دي إنه بحاجة قليلة جداً يقدر يعمل حاجة عظيمة جداً ... لازم نصدق كده إننا لو إدينا ربنا القليل اللي عندنا نثق فيه إنه هيعمل مننا حاجة عظيمة
• ال 3 حاجات اللي المفروض نعملها؟
  1 -
  
  

  0 ... مفيش أي حاجة نقدر نحطّها أو نفكّر فيها تبقى صعبة على ربنا

  ربنا قدرته أعظم بكتير من أي مشكلة تقابلنا ... نقدر دايماً نثق فيه إنه يعتني بينا
• 2 -
  
  الولد الصغير إدّى الغدا بتاعه للتلاميذ لمّا كان فيه مشكلة كبيرة ...مكانش أناني و قال أنا آكل مش مهم الناس ... ببركة ربنا، القليل ده بقى حاجة عظيمة شبّعت ناس كتير

  لما تشوف مشكلة كبيرة إعمل اللي تقدر عليه ... و خلّيك واثق إن إيد ربنا القوية هي اللي هتكمّل

• 3 -
  
  

  ربنا هو اللي عمل كل حاجة نقدر نشوفها على الأرض أو في البحر أو السما ... عشان كده مفيش حاجة صعبة عليه

المشكلة: ساعات بخاف من حاجات أو بتضايق و أقول ملهاش حل 😟

الحل:

صلّي و خلّيك واثق إن مفيش حاجة صعبة على ربنا ... اعمل اللي عليك بس و افتكر ال 5000 اللي شبعوا بأكلة ولد صغير 😉

تعالوا نحفظ مع بعض الآية:

آه، أيها السيد الرب، ها إنك قد صنعت السماوات والأرض .. لا يعسر عليك شيء (إرميا 32 : 17)

يعني مفيش أي حاجة صعبة على ربنا

تعالوا نصلّي مع بعض:

يا رب ... أنا ساعات أخاف و ماعرفش أعمل إيه ... إرشدني للحاجة الصح اللي أعملها ... و حافظ عليّ ... و ساعدني أثق إنك هتاخد بالك مني و تحافظ عليّ
ساعدني أفتكر و أثق دايماً إن مفيش أي حاجة صعبة عليك

صورة للتلوين: التلاميذ و هم بيقسموا السمك و العيش على 5000 عائلة من 5 خبزات و سمكتين :)

تعالوا نفتكر إن بركة ربنا بتبارك في القليل و تحوّله لكتير جداً ... مفيش مستحيل على ربنا