سؤال

إزاي أختار الاختيار الصح (اللي عايزه ربنا)؟

الإجابة

خلّي عندك حكمة ... اطلب من ربنا يقول لك الاختيار الصح ... هو هيرشدك ليه ... و يساعدك تعمله (لو انت مطيع و عايز تعمله)

نشوف إيه؟

• ربنا قال لآدم و حواء إيه اللي المفروض يعملوه (مايكلوش من الشجرة دي بس)
• بس هم ماسمعوش الكلام
• فكان اختيارهم غلط
• عملوا اللي كانوا عايزين يعملوه ... بدل ما يطيعوا ربنا و يعملوا اللي هو قاله
• ماطلبوش من ربنا يساعدهم و يقول لهم الاختيار الصح

• صلّي و اطلب من ربنا يقول لك الاختيار الصح
• ربنا هايساعدنا نختار صح ... حتى لو محتارين أو مش عارفين نعمل إيه ... احنا كل اللي علينا نصلّي و نقول: يا بابا يسوع عايزني أعمل إيه؟

• اختار إنك تسمع كلام ربنا و تطيعه
• لمّا أصلي مش هاسمع ربنا بوداني لكن هاسمع كلامه بيكلمني في قلبي ... هاحس بصوته جوايا بيقول لي الاختيار الصح اللي المفروض أعمله
• اسمع بقلبك ... اسمع كلام ربنا في الكتاب المقدس

• طريق ربنا هو الطريق الصح ... لما نسمع كلام ربنا نبقى ماشيين في الطريق الصح و مش هانتوه

المشكلة

ساعات بابا أو ماما بيقولوا لي أعمل حاجة و أنا بابقى مش عايز أعملها أو يقولوا لي ماعملش حاجة و أنا عايز أعملها 😟

الحل

الكتاب المقدس بيقول لنا نطيع بابا و ماما
لازم أسمع الكلام
ده الاختيار الصح اللي هايخلينا مرتاحين و مبسوطين 😉

صورة للتلوين

الحية و هي بتخدع آدم و حواء