نشوف إيه في القصة دي؟

• يوحنا المعمدان كان قديس عظيييم جداً ... ساكن في الصحراء لفترة طويلة لكن بعد كده بدأ خدمته
• و خدمته إنه يكون الصوت الصارخ اللي بيقول للناس تتوب و ترجع لربنا ... و يمهّد الطريق قدام ربنا يسوع
• يوحنا كمان كان بيعمّد الناس من ماء الأردن، كعلامة لتوبتهم
• الناس افتكرته إيليا أو المسيح نفسه
• لكن يوحنا شهادته عن نفسه كانت واضحة:

أنا صوت صارخ في البرية : قوّموا طريق الرب ، كما قال إشعياء النبي (يوحنا 1 : 23)

• و في يوم، جه ربنا يسوع نفسه و قال ليوحنا يعمّده
• يوحنا قال له إزااااي يا رب؟ ده أنا اللي محتاج أتعمّد منك
• لكن ربنا قال له: يا يوحنا أنا لازم أتعمّد عشان بعد كده كل ولادي لازم يتعمّدوا
• و حصلت حاجة عظيمة بعد كده، خلّتنا نسمّي العيد ده عيد الظهور الإلهي (ال 3 أقانيم: الآب و الابن و الروح القدس):

وللوقت وهو صاعد من الماء رأى السماوات قد انشقت ، والروح مثل حمامة نازلا عليه وكان صوت من السماوات : أنت ابني الحبيب الذي به سررت (مرقس 1 : 10 و 11)

تعالوا نفتكر إن المعمودية دي حاجة عظيمة جداً و لازمة لخلاصنا