من قصص الكتاب المقدس: يهوشافاط

يهوشافاط كان واحد من ملوك يهوذا وكان ملك كويس

قوّى يهوذا و حصّنها و كان مستقيم يعمل اللي ربنا عايزه … وربنا كان معاه

لكن كان فيه بلاد تانية حوالين يهوذا كانت عايزة تعمل حرب عليها … و في يوم جه رسل ليهوشافاط

و قالوا إن جيوش 3 بلاد بدأت تتحرّك ناحية يهوذا … يهوشافاط خاف جداً و صلّى لربنا يطلب إرشاده

قال لكل الناس في يهوذا تبدأ تصوم … و كل شعب يهوذا راح أورشليم يصلّي و يطلب معونة ربنا

يهوشافاط وقف قدام كل الناس و صلّى لربنا … طلب معونة ربنا و قال: يا رب إله آبائنا، أنت قوي و عظيم و مفيش حد يقدر يقف قدامك

فكّر ربنا بالمعجزات العظيمة اللي عملها مع شعبه إسرائيل قبل كده، و طلب منه يوقّف الجيوش اللي جاية تحاربهم

قال: يا رب إحنا ضعفاء جداً قدام الجيوش اللي جاية تهاجمنا و مش عارفين نعمل إيه، لكن منتظرين منك المعونة

كل شعب يهوذا وقف يصلّي قدام ربنا … و روح ربنا حلّ على واحد من الناس و قال:

اسمعوني يا كل شعب يهوذا وأورشليم، ربنا بيقول: ماتخافوش لأن ربنا هو اللي هيدخل الحرب مش أنتم

قال لهم إن بكرة يتحرّكوا ناحية الجيوش بس مش ها يحتاجوا يحاربوا لأن ربنا معاهم

و الملك يهوشافاط و كل الشعب سجدوا لربنا

تاني يوم، جيش يهوذا خرج للحرب و يهوشافاط قال لهم: آمنوا بربنا إلهكم و ساعتها تقدروا تثبتوا

يهوشافاط قال للمرتّلين يسبقوا الجيش … و سبّحوا ربنا و هم بيتحركوا قدام الجيش

في نفس الوقت اللي سبّح يهوذا فيه ربنا، ربنا خلّى الجيوش اللي قصادهم يحاربوا بعض

لمّا وصل جيش يهوذا وصل لساحة الحرب، كان العدو انهزم كلّه و مافيش حد فيهم هرب

جيش يهوذا لمّ غنيمة الحرب، و الغنيمة كانت كتيرة لدرجة إنهم أخدوا 3 أيام بيجمّعوا فيها

سبّحوا و شكروا ربنا اللي أعطاهم الانتصار و دخلوا أورشليم بيسبّحوا ربنا اللي هزم أعدائهم

و مملكة يهوذا نجت بسلام