مين فينا شاف في الحقيقة أو التليفزيون منظر الصياد و هو بيرمي شبكة عشان يصطاد؟ عارفين إن ربنا يسوع استخدم الشبكة عشان يوصف الكنيسة و إحنا السمك؟

المَثَل

أيضاً يشبه ملكوت السماوات شبكة مطروحة في البحر، و جامعة من كل نوع. فلما امتلأت أصعدوها على الشاطئ، و جلسوا و جمعوا الجياد إلى أوعية، و أما الأردياء فطرحوها خارجاً.
هكذا يكون في انقضاء العالم: يخرج الملائكة و يفرزون الأشرار من بين الأبرار، و يطرحونهم في أتون النار. هناك يكون البكاء و صرير الأسنان

• الصياد بيرمي الشبكة في البحر عشان يصطاد سمك كتير


• السمك و هو بيعوم بيدخل جوة الشبكة


• الصياد بيلمّ الشبكة (و حواها السمك) و يطلّعها من البحر


• الصياد بعد كده بيقعد على الشاطئ يشوف الشبكة جابت إيه و يقعد ينقّي: السمك الكويس يحتفظ بيه ... و السمك الوِحِش اللي مش هايتّاكل و مالوش استخدام بيرميه

---

يا رب تقصد إيه؟

• الإنجيل و الكنيسة في العالم زي الشبكة ... تجمع كل الناس و تعرّفهم السما


• فيه ناس هايكونوا كويسين و قريبين فعلاً من ربنا ... و الملايكة هايقولوا لربنا: يا رب الناس دول كويسين و يدخلوا معانا السما


• لكن فيه ناس مش كويسين و بعاد عن ربنا ... دول مش هاينفع يدخلوا السما لو فضلوا كده

---

بكده يبقى ربنا علّمنا إن أهم حاجة إنّي أقرّب منه و أستنى أدخل السما

---