• سؤال: إزاي أتعلم أعيش زي ما ربنا عايزني؟
• الإجابة: بابا يسوع هو اللي هيعلّمنا
  إحنا ولاده و هو عايزنا نعيش زيه
• نشوف إيه في القصة دي؟
  طبعاً الملك في القصة دي هو ربنا يسوع ... هو ملك الملوك
  و الناس اللي في مملكته هم اللي بالنسبة لهم ربنا رقم 1 ... اللي بيثقوا فيه و يسمعوا كلامه
  دول اللي بيبنوا حياتهم على الصخر ... غير كده هبقى بابني حياتي على رملة مش ثابتة ...
  و شفنا إن لمّا العاصفة بتيجي ... اللي بيته مش مبني على الصخر بيقع
  أنا باعلن إن ربنا هو الملك بتاعي لمّا أعيش زي ما هو عايزني أعيش
  ربنا قال:

  فكل من يسمع أقوالي هذه ويعمل بها، أشبهه برجل عاقل، بنى بيته على الصخر (متى 7 : 24)

  ربنا عايز يخلّي قلبنا زي قلبه ... ده بيحصل لو خلينا كلمته تبقى هي أساس حياتنا و قراراتنا
• ال 3 حاجات اللي المفروض نعملها؟
  1 -
  
  المدرس بيساعدنا نتعلم حاجات جديدة

  و إحنا تلاميذ لأحسن مدرس في التاريخ ... لبابا يسوع ... نتعلم منه دايماً إزاي نعيش صح

  نتعلم منه نحب الناس، نصلي على طول، يبقى عندنا كرم، نقول لأ للحاجة الغلط، نبقى طيبين، و مطيعين لربنا
• 2 -
  
  و المدرس العظيم ده عشان يدرّسني ... إداني أعظم كتاب
  كتاب مليان بكلام ربنا الحقيقي ... لما يكون عندنا أسئلة، لازم يبقى أول مكان ندوّر فيه

  الكتاب المقدس هو كتاب ربنا ليّ ... أنا دايماً أثق إنه صح و حقيقي ... هو اللي فيه ربنا بيعلمني إزاي أعيش

• 3 -
  
  الصخور قوية جداً ... حتى الجبال العالية بتتكوّن منها

  و إحنا لمّا نتعلم نعيش زي ربنا يسوع، كأننا بنبني بيوتنا على الصخر ... يعني ثابتين
  الحاجات اللي ربنا بيعلّمها لنا ثابتة و قوية زي الصخر على طول ... هو صخرة حياتنا

تعالوا نحفظ مع بعض الآية:

أنتم تدعونني معلما وسيدا، وحسنا تقولون، لأني أنا كذلك (يوحنا 13 : 13)

يعني ربنا هو أعظم مدرّس ... و هو ربنا

تعالوا نصلّي مع بعض:

يا رب ساعدني أتعلم منك و أعيش زيك ... عشان تبقى حياتي قوية زي الصخر ... مهما كنت خايف أو قلقان، أفضل واثق في كلمتك، هي تثبتني

صورة للتلوين: ربنا و هو بيحكي حكاية البيت اللي مبني على الصخر للناس

تعالوا نفتكر إننا لو عشنا زي ما ربنا عايزنا هنكون زي البيت الثابت اللي مبني على الصخر و مش هيقع