سؤال

إزاي أقدر أعمل حاجات مهمة لربنا؟

الإجابة

لمّا أطيع ربنا أكتر كل يوم
لما أطيع في الحاجات الصغيرة كل يوم ... ربنا بينبسط مني و بيشوف إنّي قوي ... و بيثق فيّ و في إنّي أقدر أعمل حاجات مهمة له

نشوف إيه؟

• ربنا يعت موسى عشان ينقذ الناس من فرعون مصر الشرير
• بس موسى أخد وقت طويل جداً عشان يعمل حاجة مهمة زي كده لربنا
• ده عشان موسى أخد شوية قرارات غلط (زي قتل الراجل المصري)
• بس فيه حد مهم جداً في القصة ممكن مناخدش بالنا منه ... مريم أخت موسى
• أمهم (يوكابد) وثقت في مريم إنها تاخد بالها من موسى ... رغم إنها كانت لسة صغيرة برضه ... وثقت فيها إنها تعمل حاجة مهمة و كبيرة زي دي
• الأولاد الصغيرين يقدروا يعملوا حاجات مهمة جداً لربنا

• هل لازم أبقى قوي و عندي عضلات أو أعمل تدريبات و أجري كتير عشان أقدر أعمل حاجات مهمة لربنا؟
• لأ ملهاش أي علاقة ... الحاجات دي بتخلي جسمي أقوى لكن ملهاش علاقة بشغل ربنا
• أكيد مريم أخت موسى مكانش عندها عضلات
• يبقى العضلات تفكّرني إني محتاج أبقى قوي عشان أقدر أعمل حاجات مهمة لربنا
• حاجات بسيطة كل يوم ... دي اللي بتخليني أقدر أعمل حاجات عظيمة في الآخر
• في أي مكان بروحه ... في أي حاحة أقولها أو أعملها ... باسمع كلام ربنا أكتر كل يوم

• لمّا الطفل بيعيط بيبقى محتاج يشرب لبن
• و اللبن ده بيقوّيه يوم بيوم عشان يكبر و يقدر يعمل حاجات مهمة بعد كده
• ده بالظيط اللي بيعمله الإنجيل لينا ... لمّا أقرا كلمة ربنا كل بوم و أتعلّم منها ... هاقدر أعمل حاجات عظيمة لربنا
• ده اللي بيخليني أكبر فعلاً في عينين ربنا و أقدر أعمل حاجات مهمة

• الصندوق ده بيفكّرني بإني أنضّف ورايا و أنظم حاجتي
• خصوصاً كمان من غير ما ماما أو أي حد يطلب مني
• أقدر أعمل حاجات بسيطة كل يوم تخليني في الآخر أعمل حاجات عظيمة

المشكلة

ساعات مش باهتم بالحاجات البسيطة و باشوفها مش مهمة ... زي إني أرتب المكان و أنا سايبه (سواء أوضتي أو الفصل بتاعي أو كنيستي أو أي مكان)
بافتكر المهم ألعب كويس و أبقى مبسوط و خلاص 😟

الحل

لازم أفتكر إني لو معملتش الحاجات البسيطة دي ... ماحدش هيثق فيّ أبداً إني أعمل حاجات مهمة
لو لعبت كويس مش معناها إني أقدر أعمل حاجات مهمة
خلّيك مطيع و إعمل الحاجات البسيطة بأمانة كل يوم ... هاتقدر بعد كده تعمل الحاجات الكبيرة 😉

صورة للتلوين

موسى و هو بيتكلم مع ربنا في العليقة المشتعلة