• سؤال: إزاي أقدر أعمل حاجات مهمة لربنا؟
• الإجابة: لمّا أطيع ربنا أكتر كل يوم
  لما أطيع في الحاجات الصغيرة كل يوم ... ربنا بينبسط مني و بيشوف إنّي قوي ... و بيثق فيّ و في إنّي أقدر أعمل حاجات مهمة له
• نشوف إيه في القصة دي؟
  ربنا يعت موسى عشان ينقذ الناس من فرعون مصر الشرير
  بس موسى أخد وقت طويل جداً عشان يعمل حاجة مهمة زي كده لربنا
  ده عشان موسى أخد شوية قرارات غلط (زي قتل الراجل المصري)
  بس فيه حد مهم جداً في القصة ممكن مناخدش بالنا منه ... مريم أخت موسى
  أمهم (يوكابد) وثقت في مريم إنها تاخد بالها من موسى ... رغم إنها كانت لسة صغيرة برضه ... وثقت فيها إنها تعمل حاجة مهمة و كبيرة زي دي
  الأولاد الصغيرين يقدروا يعملوا حاجات مهمة جداً لربنا
• ال 3 حاجات اللي المفروض نعملها؟
  1 -
  
  هل لازم أبقى قوي و عندي عضلات أو أعمل تدريبات و أجري كتير عشان أقدر أعمل حاجات مهمة لربنا؟
  لأ ملهاش أي علاقة ... الحاجات دي بتخلي جسمب أقوى لكن ملهاش علاقة بشغل ربنا
  أكيد مريم أخت موسى مكانش عندها عضلات
  يبقى العضلات تفكّرني إني محتاج أبقى قوي عشان أقدر أعمل حاجات مهمة لربنا

  حاجات بسيطة كل يوم ... دي اللي بتخليني أقدر أعمل حاجات عظيمة في الآخر

  في أي مكان بروحه ... في أي حاحة أقولها أو أعملها ... باسمع كلام ربنا أكتر كل يوم
• 2 -
  
  لمّا الطفل بيعيط بيبقى محتاج يشرب لبن
  و اللبن ده بيقوّيه يوم بيوم عشان يكبر و يقدر يعمل حاجات مهمة بعد كده

  ده بالظيط اللي بيعمله الإنجيل لينا ... لمّا أقرا كلمة ربنا كل بوم و أتعلّم منها ... هاقدر أعمل حاجات عظيمة لربنا

  ده اللي بيخليني أكبر فعلاً في عينين ربنا و أقدر أعمل حاجات مهمة
• 3 -
  
  الصندوق ده بيفكّرني بإني أنضّف ورايا و أنظم حاجتي
  خصوصاً كمان من غير ما ماما أو أي حد يطلب مني

  أقدر أعمل حاجات بسيطة كل يوم تخليني في الآخر أعمل حاجات عظيمة

المشكلة: ساعات مش باهتم بالحاجات البسيطة و باشوفها مش مهمة ... زي إني أرتب المكان و أنا سايبه (سواء أوضتي أو الفصل بتاعي أو كنيستي أو أي مكان)
بافتكر المهم ألعب كويس و أبقى مبسوط و خلاص 😟

الحل:

لازم أفتكر إني لو معملتش الحاجات البسيطة دي ... ماحدش هيثق فيّ أبداً إني أعمل حاجات مهمة
لو لعبت كويس مش معناها إني أقدر أعمل حاجات مهمة
خلّيك مطيع و إعمل الحاجات البسيطة بأمانة كل يوم ... هاتقدر بعد كده تعمل الحاجات الكبيرة 😉

تعالوا نحفظ مع بعض الآية:

الأمين في القليل أمين أيضا في الكثير (لوقا 16 : 10)

يعني لو كنت مطيع في حاجات بسيطة جداً ... في الآخر ربنا هيثق فيّ إني أعمل حاجات عظيمة

تعالوا نصلّي مع بعض:

يا رب ساعدني أكون مطيع و أعمل الحاجات البسيطة (حتى لو مش حاببها قوي) كل يوم ... عشان أقدر أكون أمين و تثق فيّ إني أعمل حاجات مهمة

صورة للتلوين: موسى و هو بيتكلم مع ربنا في العليقة المشتعلة

تعالوا نفتكر إن ربنا هيثق فينا إننا نعمل حاجات عظيمة ... بس لو عملنا الحاجات البسيطة بأمانة كل يوم