• راحاب كانت عايشة في مدينة أريحا (في الأرض اللي وعد ربنا إنه يعطيها لشعبه)
• يعني ماكانتش من شعب ربنا ... و كانت بتعمل حاجات غلط
• لكن رغم خطاياها، ربنا كان مرتّب لها خطة رائعة


• في الوقت ده كان ربنا قال لشعبه (بقيادة يشوع) يروحوا أرض الموعد
• فيشوع بَعَت جاسوسين يستكشفوا مدينة أريحا


• الجاسوسين راحوا أوتيل راحاب (القريب من السور) عشان يناموا هناك بالليل
• لكن ملك أريحا عرف إن فيه جاسوسين و إنهما عند راحاب ... فبعت جنود يقبضوا عليهم


• راحاب خبّت الجاسوسين و قالت إنهم مشيوا من عندها
• و قالت للجنود بسرعة يدوّروا على الجاسوسين لأنهم لسة ماشيين من عندها قريّب
• فراح الجنود بسرعة يدوّروا على الجاسوسين اللي كانوا مستخبيين على السطح عند راحاب


• راحاب قالت للجاسوسين: إحنا عارفين إن ربنا هايدّيكم الأرض دي، و سمعنا عن المعجزات اللي عملها معاكم من وقت موسى
• أنا عرفت إن إلهكم هو رب السماء و الأرض ... فعاهدوني إنكم لمّا تدخلوا أريحا ماتئذونيش أنا ولا عيلتي
• الجواسيس وافقوا ... و راحاب ساعدتهم يهربوا من السور لأن بيتها كان على السور


• و قبل ما يمشوا، قالوا لراحاب تربط شريطة حمراء على الشباك عشان الجيش يعرف مكان بيتها
• فهرب الجاسوسين و استخبوا ٣ أيام من عساكر ملك أريحا ... و رجعوا ليشوع ... قالوا له على كل اللي شافوه
• و بكده إحنا دايماً هانفتكر إيمان راحاب ... اللي رحّبت بالجاسوسين رغم خطورة الموقف ... و حطّت ثقتها في ربنا