المصدر Bible App for Kids

• سؤال: أقول إيه للخطية (الحاجة الغلط)؟
• الإجابة: لأ!!!
  يعني ولا أشتم ولا أتخانق ولا أكدب ولا أكره ولا أضايق بابا و ماما
  عشان بابا يسوع عايش في قلبي
• تعالوا نشوف إزاي
• نشوف إيه في القصة دي؟
  الشيطان كان عايز بابا يسوع يعمل حاجة غلط (خطية)
  بس بابا يسوع هو ربنا ... دايماً قال لأ للشيطان و للحاجات الغلط
  بابا يسوع عمره ما عمل حاجة غلط أبداً
  و فضل بابا يسوع على طول نقي و نضيف من الخطية
  و قدر يغلب الشيطان بكلمة ربنا (الكتاب المقدس)

  ليس بالخبز وحده يحيا الإنسان، بل بكل كلمة تخرج من فم الله (متى 4 : 4)

  ربنا يسوع قدر يغلب الشيطان عن طريق كلمة ربنا في الكتاب المقدس ... إحنا كمان نقدر نعمل كده
• ال 3 حاجات اللي المفروض نعملها؟
  1 -
  
  الصابون ده بنغسل بيه جسمنا عشان ينضّفنا من برة

  و بابا يسوع زي الصابون ده بالمسبة لينا بس من جوة ... بينضّف قلوبنا من الخطايا و الحاجات الغلط ... و يساعدنا نقول للحاجة الغلط لأ!!!!

  و بابا يسوع هيعمل كده لو طلبنا منه ... و خلّيناه ربنا و القائد بتاعنا و صاحبنا
• 2 -
  
  الخطية و الحاجة الغلط زي الطين ... بتخلّي قلوبنا مش نضيفة

  أنا مش عايز قلبي يبقى كده ... عايزه يبقى دايماً نضيف و حلو و ربنا يملاه

• 3 -
  
  

  يبقى أنا المفروض بأعلى صوتي أقول للخطية: لأ!!!!!!!

المشكلة: ساعات مش بنهتم الحاجة اللي نعملها تبقى صح ولّا غلط ... المهم تبقى عجباني و بحبّها
يعني مثلاً يبقى بابا و ماما يقولوا لي كفاية لعب أو ماتلعبش اللعبة دي ... و أنا أبقى مش عايز أسمع الكلام 😟

الحل:

أتعلّم من بابا يسوع ... اللي قال للحاجة الغلط دايماً لأ ... رغم إن ده مش دايماً بيكون سهل
و أقول له يا رب ساعدني أكون زيّك و أقدر أقول للحاجة الغلط: لأ!! 😉

تعالوا نحفظ مع بعض الآية:

قلبا نقيا اخلق في يا الله (مزامير 51 : 10)

يعني باطلب من ربنا يديني قلب نضيف من غير خطية ... زي قلبه
و لما ده يحصل ... هقول للخطية ... لأ!!!! زي ما بابا يسوع عمل

تعالوا نصلّي مع بعض:

يا بابا يسوع ... أشكرك إنك خلقت قلبي نضيف زي قلبك
يا بابا يسوع ساعدني أكون زيّك ... و أقول للحاجة الغلط: لأ!!

صورة للتلوين: بابا يسوع و الملايكة بتخدمه بعد ما غلب الشيطان و قال له: لأ!!!

تعالوا نفتكر نعمل زي ما بابا يسوع عمل ... نتملي من الكتاب المقدس .. فنعرف نقول للخطية: لأ!!!!