سؤال

يا ترى مين اللي خلقني؟؟؟

الإجابة

ربنا هو اللي خلقني ... و خلقني حلو قويييييي ... ربنا هو اللي خلق كل حاجة و كل واحد في كل حتة

نشوف إيه؟

• ربنا خلق كل الناس ... و خلق كل واحد فينا مختلف عن التاني و مميَّز بحاجة
• خلقنا عشان بيحبنا و عشان هدف واضح: إننا نعمل حاجات عظيمة جداااااً
• ربنا هو اللي خلقنا ... خلق العينين عشان نشوف و الودان عشان نسمع و القلب عشان نحب و الإيدين عشان نصلي و نساعد الناس و الرجلين عشان نمشي وراه

• ربنا خلق الشمس و كل حاجة الشمس بتشرق عليها
• ربنا خلق كل حاجة حلوة علشاننا احنا 😀
• خلق الشمس و القمر و النجوم ... و السما و الطيور ... و كل حاجة .. و خلق كل حاجة حلوة جداً

• ربنا خلق كل الحيوانات و الكائنات التانية
• لكن طبعاً خلقنا احنا أحسن لأنه بيحبنا أكتر 😀

المشكلة

ممكن أقول: فيه ناس بتعرف تعمل حاجات أحسن مني ... أنا مش مميّز 😟

الحل

لأ طبعاً انت مميّز جداااااً ... كل واحد له الميزة بتاعته، مش كل الناس زي بعض
الوردة مابتعرفش تطير زي الفراشة ... بس ريحتها حلوة و بتملا الدنيا ألوان حلوة
ربنا خلقني = أنا مميّز جدااااااً 😉

صورة للتلوين

آدم و حوا و هم مبسوطين مع باقي المخلوقات