• في يوم، ربنا يسوع أخذ معاه بطرس و يعقوب و يوحنا على جبل عالي عشان يصلّي
  • و هو بيصلّي بقى وشه بينوّر زي الشمس و لبسه بقى ابيض زي الثلج
  • و فجأة ظهر موسى وإيليا، و كلّموا ربنا يسوع عن صليبه و خروجه من العالم
  • التلاميذ حسّوا بالرهبة و مش عارفين يقولوا إيه .. بطرس قال:
    ما أجمل وجودنا هنا! عايزين نعمل 3 خيام يا رب: واحدة لك وواحدة لموسى وواحدة لإيليا
  • لكن أثناء كلام بطرس جاءت سحابة ظلّلت عليهم، و طلع منها صوت بيقول:
    هذا هو ابني الحبيب الذي به سُرِرتُ .. له اسمعوا
  • التلاميذ اتخضّوا و سجدوا للأرض
  • ربنا يسوع جه لَمَسهم و قال لهم: قوموا، ماتخافوش .. و لمّا قاموا، لقى التلاميذ إن موسى و إيليا مشيوا
  • و هم نازلين من الجبل، ربنا يسوع أوصاهم مايقولوش اللي حصل لأي حد .. إلى أن يقوم من الأموات
  • عملوا كده .. لكن فضلوا يسألوا بعض: هو قصده إيه بالقيامة من الأموات؟
    • بطرس و يعقوب و يوحنا شافوا مجد ربنا في التجلي .. و بعد القيامة فعلاً قالوا لباقي التلاميذ، و اتكتبت في الكتاب المقدس عشان إحنا كمان نعرف و نؤمن بربنا يسوع