من قصص الكتاب المقدس: تقدمة الأرملة

ربنا يسوع … ابن الله و مخلّص العالم … و هو على الأرض، ربنا يسوع علّم كل الناس عن محبة ربنا و شفى الناس من أمراضها … وعمل معجزات كتيرة زي تهدئة البحر في العاصفة … و قوّم ناس من الموت

في يوم من الأيام كان يسوع في الهيكل بيعلم الناس و يجاوب أسئلتهم

قعد قريب من صندوق العطا اللي الناس بتقدم فيه لربنا … و شاف الناس بتقدم فلوسها

شاف ناس أغنياء بتقدم فلوس كتير … و بعد كده شاف أرملة فقيرة جاية قدمت فلسين صغيرين

يسوع نده على تلاميذه وقال لهم: أقول لكم الحقيقة: الأرملة الفقيرة دي قدّمت أكتر من كل الناس

ده عشان الأغنياء قدموا جزء صغير من اللي عندهم … بس الأرملة كانت فقيرة جداً … و قدمت كل اللي عندها حتى اللي كانت هاتعيش منه