• سؤال: هو ربنا خلقني ليه؟
• الإجابة: ربنا عنده خطط عظيمة و حلوة جداً لي ... الخطط دي هي الحاجات الحلوة اللي هو عايزني أعملها ... و دايماً الخطط دي بتتحقق لو فضلت ماشي معاه و مصدقه ... و حاولت دايماً أفضل ماشي وراه كل يوم
• نشوف إيه في القصة دي؟
  يوسف حلم أحلام عجيبة ... و حصلت له حاجات وحشة
  بس ديه مكانتش نهاية قصة يوسف ... أحلامه هتتحقق زي ما هنشوف بعد كده في الجزء التاني
  ربنا كان عنده خطط عظيمة و حلوة ليوسف ... خلّاه قائد عظيم
  ربنا دايماً عنده خطط عظيمة لكل واحد فينا
• ال 3 حاجات اللي المفروض نعملها؟
  
  1 -

  النتيجة تفكّرنا إن ربنا عنده خطة عظيمة لكل يوم في حياتنا

  احنا مش عارفين هيحصل إيه النهاردة .. لكن ربنا عارف ... و خططه لينا حلوة جداً
  كل يوم ... جزء من خطة ربنا لينا
  ده بيخلينا كل يوم متحمسين إننا نعمل الحاجات الحلوة اللي ربنا مرتبها لينا
• 
  2 -
  

  ربنا عنده خطة حلوة جداً لكل حاجة هو خلقها ... حتى الشجرة!!

  الشجرة بتحمينا من الحر ... و بنقدر ناكل من الثمر بتاعها (فاكهة حلوة جداً)
  طالما ربنا عنده خطة حلوة للشجرة ... يبقى أكيد عنده خطة عظيمة جداً لي
• 
  3 - الشنطة أنا باشيلها لما أبقى رايح حتة و عندي حاجات أعملها

  بتفكرني إن ربنا عنده خطة حلوة لي ... في كل مكان أروحه، ربنا عايزني أعمل حاجات حلوة حسب خطته

المشكلة: ساعات بيبقى فيه حاجات في اليوم تضايقني ... و بابا و ماما يخططوا حاجات أنا مش باحبها ... بابقى خايف و مش مبسوط 😟

الحل:

ماتخافش ... ربنا دايماً عنده خطة حلوة جداً لينا
حتى لو اللي بيحصل بالنسبة لينا شكله مش حلو خالص
خطط ربنا دايمة حلوة جداً ... حتى لو الحاجات اللي بتحصل شكلها مش حلو
لما ربنا بيوديك حتة حتى لو جديدة عليك ... هو عنده حاجات حلوة جداً مخططهالك إنك تعملها
افتكر لما بتثق في ربنا ... دايماً الدنيا في الآخر بتبقى حلوة ... هو بيفرحك و يخليك كويس لأنك ابنه / بنته
ربنا دايماً معاك و دايماً عنده خطط حلوة جداً
و ربنا يقدر يعمل حاجة ... ثق في خططه ليك
ياللا ... روح إعمل الحاجات الحلوة اللي ربنا مرتبها لك 😉

تعالوا نحفظ مع بعض الآية:

لأني عرفت الأفكار التي أنا مفتكر بها عنكم، يقول الرب، أفكار سلام (إرميا 29 : 11)

يعني ربنا عنده خطة مرتبها لكل واحد فينا ... و الخطة دي: حلوة جداً جداً جداً

تعالوا نصلّي مع بعض:

يا رب ... نشكرك إن عندك خطة حلوة جداً لينا على طول ... ساعدني دايماً أفتكر كده ... مهما كانت الحاجات اللي بتحصل حوالي شكلها مش حلو

صورة للتلوين: يوسف بقميصه الملوّن و هو بيحكي لإخواته على الحلم اللي حلم بيه

تعالوا نفتكر إن ربنا عنده خطة عظيمة لكل واحد فينا يكون ناجح و مبسوط في الآخر