نشوف إيه؟

• يوسف الصديق من أهم الناس اللي في الكتاب المقدس ... اخواته غاروا منه و باعوه عبد في مصر لوزير اسمه فوطيفار ... رغم إنه معاملش أي حاجة وحشة ليهم ... يعني ظروف يوسف في مصر كانت صعبة جداً
• يوسف كان مثال كويس جداً حتى لما كانت الظروف صعبة و كان فيه ظلم هو عمل الحاجة الصح
• احنا بقى المفروض نتعلم منه و نعمل الحاجة الصح و نبقى مثال كويس للناس لكن فيه حد مثالي جداً هو اللي لازم نمشي وراه لأنه دايماً كان بيعمل الحاجة الصح ... هو بابا يسوع

• نمشي على خطواته ... بالإنجيل

• نعمل زي ربنا ... ربنا كان كلامه حلو و مشجع للناس لأنه كان بيحبهم ... تحنا كمان لازم يبقى كلامنا حلو: لو سمحت - شكرأ - ربنا بيحبك - إزاي أقدر أساعدك - كتر خيرك - انت عامل حاجات كويسة قوي

• لو عملنا كده ... زي ما الإنجيل نوًر لنا طريقنا ... هنبقى احنا كمان مثال كويس ينور للناس

المشكلة

ساعات بنعمل حاجات غلط سواء بمزاجنا أو غصب عننا ... كده هنبقى احنا بنغلط و ممكن الناس اللي تشوفنا تقلدنا و تغلط برضه 😟

الحل

نطلب من بابا يسوع يسامحنا و نصلي إنه يخلينا نعمل الحاجة الصح ... بس كده

صورة للتلوين

يوسف و هو بيستقبل اخواته و يسامحهم