• يوسف الصديق من أهم الناس اللي في الكتاب المقدس ... اخواته غاروا منه و باعوه عبد في مصر لوزير اسمه فوطيفار ... رغم إنه معاملش أي حاجة وحشة ليهم ... يعني ظروف يوسف في مصر كانت صعبة جداً
• يوسف كان مثال كويس جداً حتى لما كانت الظروف صعبة و كان فيه ظلم هو عمل الحاجة الصح
• احنا بقى المفروض نتعلم منه و نعمل الحاجة الصح و نبقى مثال كويس للناس لكن فيه حد مثالي جداً هو اللي لازم نمشي وراه لأنه دايماً كان بيعمل الحاجة الصح ... هو بابا يسوع

عايزين نعيش زي بابا يسوع

• طيب إزاي نعمل كده؟ هم 3 خطوات مهمين جداً
• 
  1 - نمشي على خطواته ... بالإنجيل
• 
  2 - نعمل زي ربنا ... ربنا كان كلامه حلو و مشجع للناس لأنه كان بيحبهم ... تحنا كمان لازم يبقى كلامنا حلو: لو سمحت - شكرأ - ربنا بيحبك - إزاي أقدر أساعدك - كتر خيرك - انت عامل حاجات كويسة قوي
• 
  3 - لو عملنا كده ... زي ما الإنجيل نوًر لنا طريقنا ... هنبقى احنا كمان مثال كويس ينور للناس
• طيب لو عملنا حاجة غلط؟؟
  كده هنبقى احنا بنغلط و ممكن الناس اللي تشوفنا تقلدنا و تغلط برضه ☹
  إيه الحل؟ نطلب من بابا يسوع يسامحنا و نصلي إنه يخلينا نعمل الحاجة الصح ... بس كده ☺

يا بابا يسوع خلينا نعيش زيك و نعمل الحاجات الكويسة

تعالوا ناخد آية من الكتاب المقدس عن الموضوع ده ... ربنا عايزنا فعلاً نبقى مثل حلو للناس

"كن قدوة للمؤمنين في الكلام، في التصرف" (تيموثاوس الأولى 4 : 12)

صورة للتلوين: يوسف و هو بيستقبل اخواته و يسامحهم

تعالوا نفتكر يوسف اللي عمل الحاجة الصح حتى لما كانت الظروف صعبة