أنا مش حاسس إني مبسوط ... رغم كل الغنى اللي عندي ده، حاسس إن فيه حاجة مهمة نقصاني ... حاجة جوايا ماقدرش أشتريها و مش عارف أحصل عليها ... و مش عارف حتى إيه هي؟
الحكيم
تعالى نبُص من الشباك ... قل لي شايف إبه؟
الغني
شايف السما زرقا و جميلة ... و شايف الشارع فيه ناس كتيير
الحكيم
طيب بص في المراية الحلوة اللي عندك دي ... قل لي شايف إبه؟
الغني
شايف صورتي بس
الحكيم
هي دي المشكلة ... لو بصيت في القزاز بتاع الشباك ... قزاز شفاف رخيص ... هاتشوف السما ... الحاجات الحلوة اللي ربنا خلقها ... و إخواتك
لو بصيت في المراية الفضة بتاعتك، مش هاتشوف غير نفسَك بس ... و بالتالي هايكون كل تفكيرك في نفسك بس، مش في ربنا ولا في إخواتك ... و هاتحسّ إنك دايماً مسجون و مش قادر تشوف حاجة تانية
لو عايز تنبسط بجد ... ماتهتمّش بنفسك بس ... بُص و فكّر في ربنا و في إخواتك