• فيه ناس تُمدَح و صيتها حسن لكن معندهاش محبة المديح ولا تهتم كثيراً بآراء الناس (زي السيد المسيح) … الناس دي تهرب من المديح، و بعضهم وصل من التواضع إنه يعرف يحتمل المهانة و يعتبرها أحسن من الكرامة
• بينما محبة المديح درجات: فيه ناس مش بتسعى للمديح لكن تفرح لو جالها … و فيه ناس بتسعى لسماع كلمات المديح حتى لو من برة مثّلت التواضع، و بتوصل للرياء (ناس بتعمل حاجات كويسة فقط عشان تسمع كلمات المديح زي الكتبة و الفريسيين)
• و فيه ناس لو لم تمدحها بزيادة تغضب منك و تعاديك!!
• و أسوأ نوع: اللي يكذب و ينسب لنفسه أعمال معملهاش من أجل أن يمدحه الناس … بل قد يحب أن يكون المديح له فقط (يتضايق جداً لو الناس مدحت حد تاني، و ممكن يتكلم عنه بطريقة وحشة)

الشاطر هو اللي يحاول على قد ما يقدر يشرك غيره في العمل، عشان يكون المديح للفريق و ليس له … و طبعاً الشاطر عارف إن النجاح ده بسبب ظروف ربنا هيأها له و نعمة أعطاها الله له

• الرياء: حب الظهور و إن المديح يكون الدافع الأساسي لأعماله
• الغضب: من أي حد يعاتبه أو لا يمدحه … و قد يصل إلى الكراهية
• الحسد: من أي حد ياخد مديح غيره … و قد يصل إلى إدانة الغير و التشهير بهم
• الكذب: أو المبالغة حتى ينال المديح
• يخسر حياته الروحية خسرانًا كاملًا: هو أخذ أجراً على كل أعماله (بسبب الرياء) … بينما الله يحب المتواضعين

طبعاً اللي بيعمل كده يخسر محبة الناس، و بيكون عبء على المجتمع اللي هو فيه … فهو مريض، لا يمكن أن يفصح عن حقيقة مرضه. وهو أيضًا مريض يرفض كل علاج. ولا يشعر في داخله أنه مريض.

• بطلان الكرامة العالمية: اعلم جيدًا أن مديح الناس لا يوصلك إلى ملكوت الله، بل قد يعطلك عنه … أنت لا تدخل الملكوت برأي الناس فيك، بل برضى الله عنك
• المديح ليس دائمًا: من يمدحك الآن، قد لا يمدحك غدًا وقد يذمك بعد غد … و ممكن ناس تكرمك عشان وظيفة أو وضع معين و لما تسيب الوضع ده لا تهتم بك
• اهرب من محبة الرئاسة و الأمجاد العالمية: وإن صرت رئيساً، فلا تتسلط على أحد، بل عامل الكل بالرفق
• التخلص من إعجابك بنفسك: لا تكن حكيماً في عيني نفسك: تذكر ضعفك و خطاياك و لا تستكبر، و اعرف إن اللي يمدحك و شايفك كويس ده بسبب ستر ربنا و نعمته عليك … و تذكر أن هناك قديسين أعلى و أفضل منك بكتير، بل حتى حواليك ناس أحسن منك حتى لو أنت مش شايف كده (زي الفريسي و العشار)
• احتمل و اقبل المذمة من الآخرين: دي درجة عالية عند الناس المتواضعين بجد
• إخفاء الفضائل: اعمل الخير في الخفاء حسب وصية ربنا