ربنا عايز كل أفكارنا نقية: كل فكر لا يرضي صلاحك يا الله فليبعد عنّا ... مش كل فكر غلط ييجي على عقلنا يبقى خطية مننا، ممكن يبقى حرب من الشيطان و إحنا دورنا نقاومها حتى الدم و نجاهد ضدها.
خطايا الفكر قد تبدأ سهلة أو صغيرة لكن مع الوقت تتمكن مننا (زي حواء اللي في الأول ردّت بقوة على الحيّة لكن بعد جملتين سقطت) … لازم أول ما يجيلنا فكر لا يرضي صلاح الله نهرب منه و نطلب معونة ربنا.
إذا سيطر الفكر على الإنسان، ليس فقط يقوده إلى السقوط، إنما بالأكثر إلى الخضوع الدائم للفكر، والاستبعاد له.
أنواع حروب الفكر:
واحد هو اللي يسعى وراء الأفكار: بيدوّر و يخزن أمور و أخبار من باب الفضول لا تفيده في شيء
واحد يعايش الفكر: يسيبه ينمو و يتطور جواه لحد ما يوصل لخطية، زي داود و شمشون و آخاب الملك
من السهل أن تقلع عشبه صغيرة، ولكن إن أهملتها حتى تصير سنديانة ضخمة حينئذ يكون من الصعب عليك اقتلاعها (القديس دوروثيئوس)
الفراغ والاسترخاء الزيادة أو الفتور الروحي اللي يضعف مناعتنا و بيسهّل على الشيطان يرمي أفكاره
العلاج:
لازم ننسى: خطايا الناس أو إسائتهم لنا أو تفاصيل خطايانا إحنا
لازم كمان ننقي حواسّنا و نضبط كل مداخلنا
الحواس هي أبواب الفكر (مار إسحق)
الأسوار: أغلق أبوابك أمام الفكر الخاطئ، لأنه لا يستريح حتى يكمل …
الفكر هو مجرد خادم مطيع ترسله الشهوة ليمهد الطريق أمامها.