عدد الإصحاحات: 12
كاتب السفر: (الجامعة) = سليمان نفسه زي ما قال في بداية السفر (لأنه جمع الحكمة و الفلسفة و قال لنا في السفر ده المفيد منها، بوحي من الروح القدس)
ظروف الكتابة:
- كتبه سليمان الحكيم في آخر حياته (باينة من آخر إصحاح وهو بيوصف الشيخوخة)
- سليمان في شبابه و بداية ملكه كان بيحب ربنا جداً و كتب سفرين (الأمثال و نشيد الأنشاد) … بعد كده فترة انحراف و ترف زائد و بعد عن ربنا ثم توبة و كتابة سفر الجامعة اللي بيمثل اعترافاته
هدف السفر:
- يرفع عينينا من الأرض (تحت الشمس) للسماء (فوق الشمس) … السفر مافيهوش كآبة بل بيدينا رجاء في الأبدية مش في الأرض
- يعلمنا إن الحياة الأرضية متغيرة و خادعة و ماحدش يقدر يتحكم فيها أو يمسك فيها لأنها زي البخار اللي بيزول … مالهاش معنى و مافيهاش سعادة بعيد عن ربنا
- يعلمنا سر السعادة في الحياة : إننا ننبسط بالحياة اللي ربنا مديها لنا بكل ما فيها … و نثق في حكمته وسلطانه على كل شيء
مفاتيح فهم السفر:
- السفر ده بيكمّل سفر الأمثال (اللي بيدي الحكمة في الحياة) لأنه ينظر للحياة و فلسفتها من آخر العمر
- (تحت الشمس) = كلام خاص بالحكمة البشرية في العالم