 <ul>
  <li>
	  معنى الاسم:
	  <span class="font-weight-bold">
		حمامة 
	  </span>
	  ... (على اعتبار إن الناس الأشرار محتاجين الروح القدس اللي أحد رموزه الحمامة، حتى يدعوهم للتوبة) ... التقليد اليهودي بيقول إنه ابن أرملة صرفة صيدا اللي أقامه إيليا من الموت
  </li>
  <li>
	  فترة النبوة:
	  <span class="font-weight-bold">
		من أنبياء قبل السبي ... كانت نبوّته في عهد الملك يربعام التاني (في مملكة إسرائيل) 
	  </span>
  </li>
  <li>
	  أهم إنجازاته:  
	  <ul>
		<li>يونان من أكتر الشخصيات الغريبة ... ناس كتير بتحتار: إزاي رجل الله يبقى متغاظ إن ربنا عايز الناس تتوب و عايز يرحمهم؟</li>
		<li>الحقيقة إن يونان كان نفسه الناس دي تهلك لأنهم كانوا بيشكّلوا خطر حقيقي على إسرائيل ... و فعلاً أشور (اللي عاصمتها نينوى) سَبَت مملكة إسرائيل و كان حكمها دموي جداً</li>
		<li>يونان عنده شوية إنجازات:</li>
		<ol>
			<li>إنه مخافش يروح نينوى رغم إنها مدينة ناسها أشرار جداً</li>
			<li>إنه بشّر البحارة بربنا (حتى لو بدون قصد) و مخافش يقول لهم إن البحر هاج بسببه</li>
			<li>إنه صلّى صلاة رائعة في الإصحاح التاني ... غلب فيها الرجاء اليأس</li>
			<li>أصبح رمز للسيد المسيج اللي غلب الموت و بشّرنا بالخلاص (بشرط التوبة)</li>
		</ol>
		<li>بَدَل ما ندين يونان، المفروض يونان يعطي كل واحد فينا رجاء إن ربنا ممكن يشتغل بيه على الرغم من عيوبه ... ربنا كان ممكن بمنتهى البساطة يبعت أي حد تاني مُطيع بدل يونان ... يونان ماعملش مجهود كبير يعني عشان نينوى تتوب ... لكن ربنا لا يترك أولاده أبدأً ... كان عايز يشتغل بيونان و يعلّمه قد إيه ربنا رحمته شاملة الكل ... و إنه لا يشاء أن يهلك حتى أشرّ الخطاة بل أن يُقبِل إلى التوبة</li>
	  </ul>
  </li>
</ul>