-
عدد الإصحاحات:
24
-
ظروف السفر:
-
تاريخياً بيبدأ شعب إسرائيل باختيار ربنا لأبينا إيراهيم و بعدين عائلته (إسحق و يعقوب و بيبدأ إسرائيل يكون شعب) .. الشعب ده بيُستَعبَد في مصر بعد انتهاء أيام يوسف، فربنا بيبعت موسى ينقذهم من مصر
-
و من خلال موسى، ربنا عمل عهد معاهم و أعطاهم الشريعة على جبل سيناء و قادهم في البرية 40 سنة
-
لغاية ما بقى الشعب على الناحية التانية من نهر الأردن (يعدّوا بس و هايوصلوا أرض الموعد) .. موسى يوصيهم بطاعة ربنا عشان يُظهروا مجده لكل الشعوب التانية
-
بعد كده بيموت موسى .. و بيبدأ سفر يشوع
-
نتعلّم إيه من السفر:
-
حكاية ربنا مع شعبه بتعرّفنا أكتر عن ربنا (هو هو أمس و اليوم و إلى الأبد) و صفاته (الأب الطيب الحكيم المحب القائد العظيم اللي بيكره الشر و بيسامح التائبين) و عن نفسنا (شخصيات جميلة و شخصيات صعبة)
-
مفاتيح فهم السفر:
-
ده أول سفر تاريخي في الكتاب المقدس (بعد أسفار توراة موسى ال5)
-
الجزء الأخير من الكتاب (موت يشوع) بيكتبه أليعازر الكاهن .. و جزء (موت أليعازر) بيكتبه ابنه (فينحاس الكاهن)
-
اسم (يشوع) زي (هوشع) أو (يسوع) يعني: الله يخلّص .. و يشوع يشبه ربنا يسوع في حاجات كتير:
-
عبر بالشعب نهر الأردن إلى أرض الموعد زي ما ربنا عبر بالبشرية من الجحيم إلى الفردوس
-
أعطى كل سبط نصيبه حسب عدد الناس فيه .. زي ما ربنا يسوع هايعطي كل واحد حسب أعماله
-
فكّر الشعب بكلام و وصايا ربنا .. و ربنا يسوع أعطانا شريعة العهد الجديد