عدد الإصحاحات: 22
ظروف الكتابة:
- زي ما شُفنا في سفر صموئيل، داود كان ملك عظيم على إسرائيل كلها (كمملكة واحدة)، و ربنا وعده إن المسيح هييجي من نسله (صموئيل الثاني 7)
- سفر ملوك الأول بيكمّل زمنياً بعد صموئيل الثاني (اللي انتهى في شيخوخة داود الملك)
- بيتكلّم عن 100 سنة من الملوك بعد داود من سليمان (حوالي 1000 ق.م.) لحد آخاب الملك (في إسرائيل) و يهوشافاط الملك (في يهوذا)
- كاتب السفر هو في الأغلب إرميا النبي نقلاً عن كتابات جاد النبي و ناثان النبي
هدف السفر:
سفر الملوك بيحكي عن ملوك كتير في ظروف متشابهة و نتائج مختلفة: معظمهم كانوا بعيدين جداً عن ربنا و تسبّبوا في انهيار مملكة إسرائيل، بينما كان فيه بعضهم أبرار … إحنا عندنا دايماً اختيار مهما كانت ظروفنا ممكن نختار نمشي في سكة ربنا (زي يهوشافاط مثلاً) أو نبعد عنها (زي آخاب مثلاً)
مفاتيح فهم السفر:
سفر الملوك اتكتب سفر واحد على بعضه يحكي قصة شعب إسرائيل من أول مُلك سليمان لحد السبي ... التقسيم إلى سفرين (ملوك الأول و ملوك الثاني) هو تقسيم للتنظيم بس (زي سفر صموئيل النبي)