• عدد الإصحاحات: 1 (أقصر رسائل القديس بولس)


• ظروف الكتابة: اتكتب أثناء سجن القديس بولس في روما


• السفر موجّه لمين؟ القديس فليمون اللي كان مواطن روماني من كولوسي


• مفاتيح فهم السفر:
  • القديس فليمون آمن على يد القديس بولس أثناء كرازته في أفسس
  • بعد كده لما القديس أبفراس بدأ كنيسة كولوسي، راح معاه القديس فليمون و بقى من قادة الكنيسة هناك
  • و زي معظم أغنياء روما زمان، فليمون كان عنده عبيد .. منهم واحد اسمه أُنِسيموس
  • غالباً أُنِسيموس غَشّ فليمون أو سَرَقه و بعد كده هرب
  • و راح أُنِسيموس على بولس في السجن (غالباً يطلب مساعدته)
  • آمن أُنِسيموس على يد القديس بولس و بقى بيساعده في خدمته


• هدف السفر:
  • بيطلب القديس بولس من فليمون مش بس إنه يسامح أُنِسيموس بل إنه يقبله كأخوه في الإيمان مش كعَبد


• ملاحظات
  • السفر مش بيذكر فيه قيامة ربنا يسوع أو صليبه علنية (و دي الرسالة الوحيدة للقديس بولس اللي فيها كده) لأنه فيه الصليب بالأفعال (القديس بولس كوسيط بين فليمون و أُنِسيموس و بينهم و بين ربنا)
  • كلمة أُنسيموس معناها (نافع)
  • أُنسيموس لمّا راح بالرسالة دي لفليمون، فليمون سامحه و قبله بفرح كأخ فعلاً
  • بعدها رجع أُنِسيموس لروما و بعد استشهاد القديس بولس، بقى أسقف بيرية ... و الكنيسة بتحتفل بعيد نياحته يوم 21 أمشير
  • أما القديس فليمون و عائلته (أبفية زوجته و أرخبّس ابنهما) فقد استشهدوا على يد الوثنيين، بعد ما خدموا في كولوسي و كان فليمون أسقف كولوسي ... و الكنيسة بتحتفل بعيد استشهادهم يوم 25 أمشير