<p class = "text-success font-weight-bold">
	(إصحاح 2) ظواهر سليبة بسبب المعلّمين الكذبة
</p>
<ul>
  <li>
  	<span class="text-primary">
	آية 1 ل 7
	</span>	
	فيها دعوة واضحة 
  	<span class="font-weight-bold">
	لاجتماعات صلاة مستمرة في الكنيسة 
	</span>	
	.. فيها صلاة من أجل الحكام و من أجل سلام العالم كله و الكنيسة (و من هنا عملت الكنيسة نظام الأواشي، زي أوشية الرئيس و أوشية السلام) و ده عكس تعاليم المعلمين الكذبة اللي بيدعوا لهلاك بعض الناس
  </li>
  <br>
  <li>
  	<span class="text-primary">
	آية 8 ل 15 
	</span>	
	فيها 
  	<span class="font-weight-bold">
	تعاليم بالنسبة للصلاة
	</span>	
	<ol>
		<li>
		بالنسبة للرجال اللي بيتجادلوا في مجادلات فلسفية مالهاش لازمة بسبب المعلمين الكذبة دول، ببساطة ربنا عايزنا نصلي من قلبنا بدل تضييع الوقت و المحبة في جدال مالوش فايدة
		</li>
		<li>
		بالنسبة للسيدات: كان فيه سيدات غنيات بييجوا الكنيسة كأنه عرض أزياء بلبس غالي جداً و مُلفِت بطريقة مُعثرة للناس الغلبانة اللي مش هاتقدر تشتري لبس بالثمن ده ... كمان بعضهن بسبب الغنى كن يُرِدن تعليم الشعب التعاليم الخاطئة بتاعة المعلمين الكذبة، و كانوا عايزين بالعافية باخدوا مناصب في الكنيسة
		<br>
		القديس بولس رأيه واضح: أمثال السيدات دول ماينفعش يعلّموا في الكنايس
		</li>
	</ol>
  </li>
  <br>
  <li>
    بعد كده آيات محيّرة شوية، القديس بولس بيحكي فيها عن آدم و حواء و إن حواء هي اللي أغوتها الحية مش آدم، و بيربط الموضوع ده بإن المرأة مش المفروض تعلّم في الكنيسة ... و فيه 3 تفاسير لرأيه:
	<ol>
		<li>ناس بتفهمها إن ماينفعش السيدات يعلمّوا في الكنيسة أبداً</li>
		<li>ناس بتفهمها إن ينفع السيدات يعلّموا لكن من غير ما يمسكوا القيادة</li>
		<li>ناس بتفهمها إن القديس بولس يقصد فقط على السيدات دول بتوع أفسس اللي اتخدعوا من المعلّمين الكذبة زي ما حواء اتخدعت من الحيّة (يعني وصية للزمن ده بس)</li>
	</ol>
	المعنى الأكيد إن القديس بولس يقصد إن الأفسسيات دول لازم يتعلّموا التعليم الصحيح تحت قيادة القديس تيموثاوس عشان يقدروا يكونوا زي الخادمات الفاضلات في الكنيسة، زي فيبي و بريسكيلا
  </li>
</ul>
<p class = "text-success font-weight-bold">
	(إصحاح 3) شروط اختيار الخدام القادة
</p>
<ul>
  <li>
  	<span class="text-primary">
	آية 1 ل 7
	</span>	
	فيها 
  	<span class="font-weight-bold">
	شروط اختيار الأسقف 
	</span>	
	.. و ناخد بالنا زمان طبعاً لسة ماكانش فيه رهبنة فكان عادي إن الأسقف يتجوز
  </li>
  <br>
  <li>
  	<span class="text-primary">
	آية 8 ل 13 
	</span>	
	فيها 
  	<span class="font-weight-bold">
	شروط اختيار الشمّاس الكبير اللي بيساعد الأسقف (الدياكون)
	</span>	
	.. و ناخد بالنا زمان برضه إن الشمامسة كانوا رجال و سيّدات (زي الشمّاسة فيبي)
  </li>
  <br>
  <li>
	و الشروط المشتركة بين الأساقفة و الشمامسة هي إن علاقاتهم تكون كويسة بأهل بيتهم (عارفين يقودوا بيتهم كويس) و مع كل الناس حتى اللي خارج الكنيسة ... و يكونوا أقوياء في الإيمان 
  </li>
</ul>