الملاك رافائيل يبدأ الرحلة مع طوبيا الابن

• يبدأ يبان ترتيب ربنا ... طوبيا الابن (كان شاب صغير في أوائل العشرينات) مش عارف سكة غابيليوس عشان ياخد منه الدين ... طوبيا الأب قال له يعمل المشوار ده بسرعة مع حد ثقة كده يكون عارف طريق المدينة


• خرج طوبيا لقى واحد على وجهه نعمة و شكله متأهب لرحلة طويلة ... كان الملاك رافائيل اللي قاله إنه رايح مدينة (راجيس) ... فانطلق طوبيا الابن معه بعد أن ودّع أباه و أمه

الوصول لراجيس

• بدأت الرحلة و وصل طوبيا و الملاك رافائيل جنب نهر دجلة ... طلعت سمكة كبيرة و حاولت تجرّ طوبيا للنهر ... لكن طوبيا مسكها و جرّها على الشاطئ زي ما الملاك قال له ... أكلوا لحمها و احتفظ طوبيا بالقلب و الكبد و المرارة (زي ما قال له الملاك رافائيل)


• لمّا وصلوا راجيس، قال له الملاك رافائيل على سارة و رعوئيل ... و قال له إنه حسب الشريعة يصحّ يتزوّج منها (قريبته و من نفس السبط و مالهاش إخوات ولاد) ... طوبيا سمع بمشكلة سارة و كان خايف على نفسه (واضح إن المشكلة كانت مسمّعة جامد)


• الملاك رافائيل قال له سبب المشكلة (شهوة هؤلاء الشباب و ليس عيباً في سارة) ... و قال له الحل: صوم و صلاة 3 أيام قبل العلاقة الزوجية (بعض الناس لسة ملتزمة بهذا التقليد) ... في الليلة الأولى يحرق كبد السمكة (الكبد هو العضو اللي بيتجمّع فيه سموم الجسم) ... إشارة للقضاء على الشهوة و النية الخاطئة