الأيقونة اللي بيحمل فيها السيد المسيح الإنجيل مقفول (زي ما بنشوف هنا) بيسمّيها الروم أيقونة الباندوكراطور (ضابط الكل) ... و دي أشهر أيقونة عندهم
الأيقونة دي ممكن نكون شوفنا تقليدات منها قبل كده، لكن النسخة الأصلية منها موجودة في دير سانت كاترين من القرن السادس الميلادي
فيه حاجتين لو دقّقنا في الأيقونة هانلاقيهم غريبين شوية:
لو بصّينا في الأول هانفتكر إن الرسمة فيها غلطة (العينين مختلفين)، لكن دي مقصودة
لو رسمنا خط يقسم الوش نصّين، هنلاقي النصف الأيمن من وجه المسيح يختلف عن النصف الأيسر من حيث سمك الحواجب واتساع العين ووضع الفم:
و بكده الأيقونة بتعبر عن طبيعة السيد المسيح (إنسان كامل و إله كامل)
حاجة تانية غريبة هي وضع أصابع يد السيد المسيح
الوضع ده بيشير لكلمة (إيسوس خريستوس) يعني يسوع المسيح باليوناني و القبطي ... إزاي؟