1. الروح القدس هو اللي بيختار خدام معينين لعمل معين ..
   حتى لو كان شكل الاختيار غريب (خادم كبير و طيب زي برنابا مع خادم جديد و ناري زي بولس) ... ربنا عارف هو بيعمل إيه ... و لازم الكنيسة تمشي بإرشاد الروح القدس مش بالتفكير البشري
2. مش عيب إننا نفشل أو نخاف في خدمة معيّنة ..
   مرقس الرسول في أول مهمة ليه مانجحش، رجع في نص الطريق ... لكن بعد كده إيمانه و استعداده بقى أقوى ... و بقى أحد أعظم الرسل
3. في كل زمان و مكان فيه حد يسمع كلمة ربنا فقلبه يتحرك ... و حد يقسّي قلبه و يعاند الكلمة ..
   و ببساطة الفارق في الآخر باين ... بين شاول اللي بقى بولس لأنه لم يعاند ... و بين المعاندين اللي شفناهم في أيقونية و لسترة
4. بضيقات كتيرة ينبغي أن ندخل ملكوت السماوات ..
   مافيش خدمة مافيهاش باب ضيّق ... لكن مع الضيقات فيه يد الله التي تنجي و تنجح الخدمة
5. لازم أي خادم شاطر يسيب مكانه حد يكمل خدمته عشان الخدمة ماتقفش على شخص واحد ..
   زي بولس و برنابا لما عملوا مع المدن اللي بشّروا فيها لما رسموا لهم قسوس و هم راجعين أنطاكية