كلمة شماس (ذياكون) هي كلمة يونانية معناها خادم ... و احنا كتير بنسمع عن رتب مختلفة للشمامسة ... و بنشوف شمامسة لابسة التونية بطريقة مختلفة ... تعالوا نعرف ببساطة كده إيه طقس رتب الشمامسة

رتب الشمامسة

• الابصالتس
  • معناها: مرتل ... من كلمة (ابصالموس) اللي معناها مزمور أو ترتيلة
  • دوره: يرتل التسابيح و الألحان
  • لازم يقول الألحان عن فهم و بروح الصلاة


• الأغنسطس / الأناغنوستيس
  • معناها: قارئ ... من كلمة (أناغنوس) اللي معناها (فصل) ... زي ما بنقول في مقدمة الإنجيل القبطي (أو أناغنوسيس ايفول)
  • دوره: يقرأ القراءات الكنسية (في القداس و الصلوات)
  • لازم يدرس الكتاب المقدس كويس و يعرف فكر الكنيسة و عقيدتها ... عشان يبقى فاهم كويس و مؤمن باللي هو بيقراه


• الايبوذياكون
  • معناها: مساعد شماس ... من كلمة (ايبو) اللي معناها (تحت) ... و (ذياكون) معناها شماس
  • دوره: يهتم بأمور النظام في الكنيسة
  • لازم يكون فاهم الطقس كويس


• الذياكون
  • معناها: شماس / خادم ... و هى أول درجات الكهنوتية
  • دوره: يساعد أبونا في كل الخدمات و هو عين أبونا و الأسقف ... و ممكن يناول الدم المقدس في القداس
  • لازم يكون قدوة للكنيسة في الكلام و المحبة و الطهارة ... و مشهود له من شعبها


• الأرشى ذياكون
  • معناها: رئيس الشمامسة
  • ينظم عمل كل الشمامسة و يساعد الأسقف
  • طبعاً إن حد يوصل للرتبة دي معناها ببساطة إنه شبه رئيس الشمامسة ... القديس استفانوس

لبس الشمامسة

الطريقة الصح للبس الشمامسة في الصورة دي: