فيديو لتقديم الحَمَل من القداس من كنيسة رئيس الملائكة الجليل رافائيل - بالهانوفيل

الترتيب لاختيار الحَمَل

أبونا الكاهن الخديم بيعمل التالي:

1. ياخد اللفافة من فوق الصينية و يضعها على رأسه أو على يده اليسرى في كُم التونية.
2. ياخد الصليب بيده اليمنى
3. يقف على باب الهيكل و وجهه على الغرب (ناحية الشعب) و أمامه طبق الحمل يحمله أكبر الموجودين رتبة (كاهن أو كبير الشمامسة)
   تكون الناحية اللي فيها 3 ثقوب في كل بالقربانة عن يمين الكاهن
بيكون فيه على يمينه شماس ماسك قارورة الخمر و على شماله شماس ماسك إبريق الماء .. و ال2 في يدهم الشمال شمعة
لو فيه شمامسة على المذبح، برضه بيمسكوا كل واحد شمعة منوّرة لحد تقديم الحمل لأن ربنا نور ونار
4. أبونا بيستبرئ الأباركة (يشمّها و يتأكد من خلوّها من الشوائب .. و كذلك يفعل اللي بيقف أمامه و الشمّاسين اللي على يمينه و شماله)
5. يمسك القارورة و يضعها على أول قربانة من ناحيته و يرشم ذاته بالصليب "خين إفران..." ثم يرشم على الخبز و الخمر الثلاثة رشومات (يبارك الآب و الابن و الروح القدس)
6. بعد كده يرشم بها الحمل على هيئة صليب و هو يقول "مجداً و إكراماً...". ثم يعطي قارورة الخمر للشماس و يضع الصليب في طبق الحمل

اختيار الحَمَل

أبونا بيعمل التالي:

1. قبل الاختيار: بيحط إيده اليمين فوق إيده الشمال على شكل صليب
   (زي ما يعقوب عمل لمّا بارك منسى و إفرايم أولاد يوسف)
2. الاختيار: يبدأ ياخد قربانتين (واحدة في كل إيد) و يشوف أنهي أحسن. بيحط الأحسن في إيده اليمين و ينزل التانية في طبق الحمل و ياخد واحدة تانية و يقارنها باللي في إيده اليمين ... و يكرر كده لحد ما يختار أفضل قربانة
أبونا بيبص على: سلامة الإسباديقون – عدد الثقوب – إن مفيش تشققات في القربانة – استدارتها – وضوح الختم و وجوده في مركز القربانة
3. بعد الاختيار: أبونا بيلمس باقي القربانات بالجنب بتاع القربانة المختارة
4. ياخد اللفافة اللي في كمّه و يحط فوقها القربانة و يمسحها
5. يبلل إبهام إيده اليمني بالخمر (من القارورة و هي في يد الشماس) ثم: يرشم بإصبعه القربانة الرشومات الآتية
   • يرشم القربانة المختارة و هو يقول: ذبيحة مجد.
   • يرشم باقي القربان و هو يقول: ذبيحة بركة – ذبيحة إبراهيم – ذبيحة اسحق – ذبيحة يعقوب
   • ثم يرجع و يرشم ظهر القربانة المختارة و هو يقول: ذبيحة ملكي صادق
   الذبيحة المختارة هي ذبيحة الخبز و الخمر (دي اللي قدّمها في العهد القديم ملكي صادق)
6. بعد كده ياخذ الصليب من طبق الحمل و بيده الأخرى القربانة المختارة موضوعة فوق اللفافة و يدخل الهيكل ... و بيصبّ له الشماس شوية مياه و أبونا بيغسل القربانة (بيعمّدها)