• تسبحة عشية بتكون بعد صلاة النوم و قبل رفع بخور عشية ... يعني حوالي 6:30م
• طبعاً في الأيام السنوي الفطار بنصلي في القداس التالتة و السادسة (و في الأيام الصيامي بنزود التاسعة) ... نيجي قبل تسبحة عشية نتجمع في الكنيسة نصلي غروب و نوم

نقدر نقسمها للفقرات دي (التفاصيل في الصورة):

1. لحن ني إثنوس تيرو اللي بيتقال بطريقة طويلة مميزة... لو الوقت ميسمحش ممكن يتقال دمج
2. الهوس الرابع زي ما بنقوله في تسبحة نصف الليل
3. ابصالية اليوم دي بيكون كلامها قوي جداً و مركّز على اسم ربنا يسوع المسيح
4. ثيئوتوكية اليوم دي بيكون لحنها جميل و تركيزها على أمنا العدرا و تجسد ربنا يسوع
5. الشيرات أو اللبش دي بتكمل على الثيئوتوكية ... ما عدا يوم الأحد بنقول قطعة (نيم غار) اللي بتتكلم عن القيامة
6. ختام الثيئوتوكيات و في الآخر نصلي (أبانا الذي)

طقس تسبحة تبع اليوم اللي إحنا فيه (يعني لو يوم السبت بالليل، تقول ابصالية السبت و ثيئوتوكية السبت)

• أيام الصوم الكبير و صوم نينوى
  • مش بيبقى فيه تسبحة عشية غير السبت و الأحد فقط
  • الابصالية بيتغير كلامها و لحنها
  • الثيئوتوكية تقال بلحن حزايني
  • يضاف 7 قطع وسط الثيئوتوكية يوم السبت على وزن (طوبى للرحماء على المساكين)
• أيام الخمسين المقدسة و الأيام الفرايحي
  • الابصالية بيتغير كلامها حسب المناسبة و بيتغير لحنها عن السنوي
• أيام كيهك
  • يوم السبت، الثيئوتوكية تقال بطريقة مختلفة
  • يضاف قطع تفسيرية وسط الثيئوتوكية يوم السبت تتكلم عن العدرا زي (من هي تُدعَى غير الدنسة إلا مريم بطهارتها)

نقدر نسمع تسبحة عشية كل يوم ل خورس تين هوس