معنى المبدأ

إنجيل القداس، بيؤسس فيه الفريسيين مبدأ لئيم: خارج المحلة

لوقا 13 : 31

في ذلك اليوم تقدم بعض الفريسيين قائلين له: «اخرج واذهب من ههنا، لأن هيرودس يريد أن يقتلك»

كلمة (خارج المحلة) موجودة في عبرانيين 13 عن صليب ربنا يسوع لأنه اتصلب خارج أورشليم:

عبرانيين 13 : 13

فلنخرج إذا إليه خارج المحلة حاملين عاره
* و احنا في أسبوع الآلام بنعمل كده و نصلي برة الهيكل

• هم كان قصدهم: ابعد بعيد عننا ... أحبوا الظلمة أكثر من النور لأن أعمالهم كانت شريرة ... حاولوا يخوّفوا ربنا يسوع و يقولوا له: مالكش عيش وسطينا


• و ده انطبق على ربنا يسوع من ميلاده:
  1. مالوش بيت يتولد فيه ... اتولد في مزود
  2. هيرودس الكبير كان عايز يقتله (عشان كده جه مصر و هو صعير)
  3. رجع من مصر على منطقة مرفوضة: الجليل (بين الأمم و اليهود) ... عشان ربنا عايز يقبل الجميع (جليل الأمم الشعب السالك في الظلمة أبصر نورا عظيما. الجالسون في أرض ظلال الموت أشرق عليهم نور)

دوام هذا المبدأ

• المبدأ ده دايماً بيتعامل بيه الشر مع الخير: مش عايزك معايا.


• ليه الشر بيكره الخير؟ لأن الإنسان الشرير بيحب الضلمة لأنه مش عايز النور يوبّخه ... و الشيطان عايز كده (الناس تعيش في الضلمة).


• ما أصعب المبدأ ده لما يتعمل من القريبين (جروح الأحباء)!

تعامل ربنا مع هذا المبدأ

• ربنا بيستغل المبدأ ده ليصنع أمراً أعظم (ربنا مابيتغلبش)


• ربنا رد إنه هايكمل عمله طبعاً ... و رفض اليهود تحوّل لخلاص الأمم ... و آمن بيه كتير من اليهود و الأمم في أوقات المئة (زي قائد المئة اللي طعنه و جنوده)


• و زي ما ربنا تمجّد بمبدأ خارج المحلة (رفض اليهود تحوّل لخلاص الأمم)، احنا كمان لو خرجنا خارج المحلة هانعمل انتصارات أعظم:


• زي يوسف العفيف: رفض إخواته ليه اتحوّل للخير و لخلاص العالم كله مش بس عيلته

تكوين 50 : 20

أنتم قصدتم لي شرا، أما الله فقصد به خيرا، لكي يفعل كما اليوم، ليحيي شعبا كثيرا

الخروج خارج المحلة

عشان نشوف ربنا لازم نخرج له خارج المحلة (جلسات هادئة و خلوات روحية خارج دوشة و زحمة الدنيا) حاملين صليبه ... القديسين عاشوا كده (زي البابا كيرلس اللي فضّل الطاحونة على مجد زيارة الملوك) ... لأننا بنشوف يسوع نفسه