تعالوا نعرف سيرة القديسين العظماء دول

من برنامج النهاردة (على قناة ME Sat) لأبونا انجيلوس جرجس

أهم النقاط في سيرة ال 3 فتية القديسين:

• كنيستنا بتعظّمهم و تدّيهم مكانة عظيمة كل يوم في تسبحة نصف الليل (زي ما هانشوف تحت في الألحان الخاصة بيهم)
• من قديسين فترة السبي (سبي يهوذا لبابل عن طريق الملك نبوخذنصر)



سبي ال 3 فتية

• نبوخذنصر مَلَك على بابل و هو صغير ... و حَكَم لمدة 43 سنة
• في عصره أصبحت بابل من الإمبراطوريات الكبيرة و أخضَع أغلبية العالم ليه (ما عدا روما)
• استولى على منطقة إسرائيل (المعبر بين شرق العالم و غربه) على كذا مرحلة:
  1. أخذ محتويات الهيكل و الآنية اللي فيه و بعض نبلاء الشعب
  2. بعد محاولة التمرد من الملك يهوياقيم (رغم تحذير إرميا النبي ليهوياقيم) على نبوخذنصر، جه نبوخذنصر و أذّل يهوياقيم و انتصر عليه و أَسَره مع العيلة المالكة (اللي كان منها دانيال و ال 3 فتية) ...
     يعني دانيال و ال3 فتية كانوا قرايب و من عيلة ملكية
     و في الفترة دي كانت العيلة بعيدة عن ربنا
     في الوقت ده كانوا في أوائل العشرينات
• نبوخذنصر كان وثني و فتكر إنه انتصر بفضل آلهته ... ربنا ورّاه كذا رؤية عشان يعرّفه إنه هو الإله العظيم (زي ما فسّر له دانيال) ... و آمن نبوخذنصر بعظمة ربنا ... لكنه رجع تكبّر تاني و عمل التمثال الذهبي
• ربنا عاقبه و عاش 7 سنين في حياته زي الحيوانات و بدون كرامة (ياكل حشائش الأرض و عقله راح منه) لحد ما تاب



موقف #1: الصوم بأمانة

• لمّا جابهم نبوخذنصر حاول يغيّر أسمائهم و فِكرُهم (زي ما هانشوف في الوعظة اللي تحت) لكنهم كسبوا التحدي في الغربة و حافظوا على إيمانهم ... ده أول موقف قوي في حياتهم



موقف #2: صلاة قوية

• تاني موقف: لما حِلِم نبوخذنصر حلم ماعرفش يفسّره ... و مش فاكر الحلم نفسه
• قال لمجموعة الحكماء بتاعته (اللي منها دانيال و ال 3 فتية): لو ماقلتوليش الحلم و تفسيره هاقتلكم ... طبعاً لم يسبق إن حد عرف أحلام حد تاني (ممكن حد يفسّر زي يوسف الصديق لمّا فسّر حلم فرعون)
• دانيال و ال 3 فتية طلبوا مهلة من الملك ... و صلّوا:

حينئذ مضى دانيال إلى بيته و أعلم حننيا و ميشائيل و عزريا أصحابه بالأمر ليطلبوا المراحم من قِبَل إله السماوات من جهة هذا السر لكي لا يهلك دانيال و أصحابه مع سائر حكماء بابل

• ربنا ببساطة استجاب لطلبة الفتية الأمناء



موقف #3: إيمان ثابت

• القصة اللي بنلاقيها في دانيال 3: الملك عَمَل تمثال ذهب و وضعه في نصف المدينة و قال الكل يسجد له و إلا هيترمي في آتون النار
• دانيال و ال 3 فتية ماعملوش كده طبعاً ... فجه ناس و اشتكوهم للملك و هيّجوا الملك عليهم
• الملك جابهم و قال لهم يسجدوا و إلا هيرميهم في النار ... شوفوا الرد الرائع:

فليكن معلوما لك ايها الملك اننا لا نعبد الهتك و لا نسجد لتمثال الذهب الذي نصبته

• غضب الملك وأمر إن الآتون يتحمّى 7 أضعاف (لدرجة إن اللي رموهم في الآتون اتحرقوا)
• نبوخذنصر كان بيتفرّج ... لقى حاجة غريبة

ها أنا ناظر أربعة رجال محلولين يتمشّون في وسط النار و ما بهم ضرر و منظر الرابع شبيه بابن الآلهة

• المسيح جالهم ... و لم يحترق منهم شيء ... فآمن الملك:

ليس إله آخر يستطيع أن ينجّي هكذا




نياحتهم

• تنيّحوا و اتدفنوا في بابل ... و حصلت زلزلة عظيمة يومها
• ولما جلس البابا ثاؤفيلس البطريرك الثالث والعشرون علي الكرسي المرقسي بني لهم كنيسة وأراد نقل أجساد القديسين إليها . وأوفد لذلك القديس يوحنا القصير فذهب إلى بابل ولما وصل إلى حيث الأجساد سمع صوتا منهم يقول : " ان الرب قد رسم ألا تفارق أجسادنا هذا الموضع . وحتي لا يضيع تعبك فعند رجوعك قل للبطريرك أن يعمر القناديل ليلة التكريس بالزيت وستظهر قوة الله فيها” . ولما عاد أعلم البابا البطريرك بذلك فعمل كما أمروه فاشتعلت القناديل فمجدوا الله وأتموا تكريس الكنيسة التي لهؤلاء القديسين



عَظَمة ال 3 فتية

• متغرّبين في أرض بعيدة عن ربنا بدون حماية ... هم قدّموا طهارة و إيمان ... و قدّموا إلههم للعالم كله
• و رغم المؤامرات اللي ضدهم، ربنا نجّاهم

أعلنوا قوة إلههم وسط أقوى تجارب (النار)

• كانوا من عيلة بعيدة عن ربنا ... لكنهم كانوا عظماء في الإيمان
• كانوا أقوياء بإلههم ... لا تهاون (مافيش حاجة اسمها: أصل المجتمع اللي حواليّ ماشي كده)
• من الأول فيه تدقيق: صوم يعني صوم ... صلاة يعني صلاة ... ده اللي قوّاهم و خلّاهم يثبتوا في الآتون
• النتيجة إن ربنا اتحدّى الهالم بيهم

آيات عن ال 3 فتية

من الآيات الرائعة عن إيمان ال 3 فتية: هوذا يوجد إلهنا الذي نعبده يستطيع أن ينجينا من أتون النار المتقدة

ألحان عن ال 3 فتية

• لحن اسمو ابتشويس ... باركوا الرب يا حنانيا وعزاريا وميصائيل
• لحن اري هؤو تشاسف ... زيدوه علوا الي الآباد
• بعدها إبصالية ال 3 فتية (لحن أريبسالين)
• في كيهك بعدها بنقول: (الله الأزلي قبل الأدهار)
• بعدها اللحن الرائع (تينين)
• بعدها لحن مقدمة المجمع ... اللي بيتقال بطرق مختلفة

نقدر نلاقي أكتر عن ترتيب التسبحة في منهج تالتة ابتدائي و في الوعظة دي

وعظات عن ال 3 فتية

وعظة تحدي في الغربة ... من دانيال 1