تعالوا نعرف سيرة القديس العظيم ده

من برنامج النهاردة (على قناة ME Sat) لأبونا انجيلوس جرجس

أهم النقاط في سيرة مارمرقس:

• كاروز الديار المصرية (المسيحية في مصر هبة مارمرقس)
• أحد البشيرين ال 4 (كتب إنجيل مرقس)
• هو اللي عمل مدرسة الإسكندرية اللاهوتية اللي علّمت العالم اللاهوت
• هو اللي عمل القداس الكيرلسي


• في الوقت ده مصر كان فيها عقائد مهمة لكن المصريين مش فاهمين هاتتحقق إزاي (زي الخلود و تجسّد ابن الله و الماء المقدس)
• التراث الحضاري ده ساعد مارمرقس إنه يحوّل مصر في فترة قصيرة جداً لواحدة من أقوى الكنايس و أعمقها روحيا ... لأنه ربط أفكارهم الموجودة بالقيامة و تجسّد السيد المسيح و المعمودية و الروح القدس


• مارمرقس له اسمين: يوحنا (اسمه الأصلي اليهودي) و مرقس (لقبه اليوناني و معناه: مطرقة)
• يهودي من سبط لاوي، من عيلة غنية كانت عايشة في ليبيا و راحوا أورشليم
• أمه إحدى النساء اللي تبعوا السيد المسيح ... كان نسيب بطرس الرسول و ابن أخت برنابا الرسول
• بيته (علية مارمرقس) كان أول كنيسة فيها أسس السيد المسيح سر الإفخارستيا ... و فيه اجتمع التلاميذ حتى حلول الروح القدس ... و فيه ظهر السيد المسيح
• والده آمن لما طلع عليه هو و مرقس أسدين في الطريق ... و وقع الأسدين بصلاة مرقس (عشان كده مارمرقس بنرمز له بالأسد)


• مارمرقس بدأ كرازته مع بطرس الرسول في اليهودية و أورشليم
• بعدها راح مع بولس الرسول و برنابا الرسول في رحلة تبشيرية أولى للأمم
• بعدها برنابا أخد مارمرقس و كرز معاه في قبرص
• بعدها كرز في ال 5 مدن الغربية (شمال إفريقيا) و مصر
• رجع روما مع بطرس و بولس قبل ما يرجع مصر و يستشهد


• إسكندرية كانت مدينة غنية و فيها خليط من جنسيات و ديانات مختلفة
• لما دخل اسكندرية حذائه اتقطع و دخل عند انيانوس الاسكافي اللي صرخ (إيوس ثيئوس) يعني الإله الواحد (لما دخل المخراز في إيده) ... مارمرقس شفاه و فهّمه يعني إيه (إيوس ثيئوس)
• بيت انيانوس بقى أول كنيسة
• عمل أول أكاديمية لاهوتية في العالم (مدرسة الإسكندرية اللاهوتية) عشان الشعب كان مثقف ... و آمن فلاسفة كتير فيها
• مارمرقس بعد ما نشر الكرازة و سلّم القداس لإنيانوس و رشم كهنة و شمامسة، رجع روما


• بعدها سنة 68 رجع مصر و احتفل بعيد القيامة ... كان في نفس اليوم فيه احتفال للوثنيين
• دخلوا على الكنيسة بعد القداس و جرّوه و ربطوه في الخيول و جرّوه في شوارع الإسكندرية حتى ارتوت بدمه
• حطّوه في السجن ... و ظهر له السيد المسيح و بشّره بالاستشهاد و قوّاه
• تاني يوم عملوا نفس الحركة تاني و بعد كده قطعوا راسه ... و سلّم مارمرقس الروح
• حاولوا يحرقوا الجسد ماعرفوش (نزل مطر و حصل زلزال) ... الكنيسة أخدت جسده و حطّته في الكنيسة


• وقت دخول العرب، أخد البحارة صندوق فيه راس مارمرقس و حطّوه في السفينة
• لما حاولوا يتحركوا السفينة ماتحرّكتش ... فلقوا في الصندوق اللي سرقوه راس مارمرقس
• عمرو بن العاص إكراماً للحدث ده أعطى أموال للبابا بنيامين عشان بناء كنيسة لمارمرقس
• بعد كده جه بحارة من فينيسيا سرقوا جسد مارمرقس و أخدوه بلادهم
• بعد كده عملوا كنيسة عظيمة في إيطاليا و حطوا فيها الجسد

ذكصولوجية مارمرقس

الذكصولوجية زي ال CV للقديس بتقدم ملخص عنه ... تعالوا نسمع ذكصولوجية مارمرقس